1 Saray Awaran 2:17 - Maung A Balita Biblia

¹⁷ Si Abigail ya anak nen Jesse inasawa nen Jeter a kabyangay boleg nen Ismael, tan walay anak dan laki a manngaray Amasa.

Maung a Balita Biblia

¹⁷ Si Abigail ya anak nen Jesse inasawa nen Jeter a kabyangay boleg nen Ismael, tan walay anak dan laki a manngaray Amasa.

1 Saray Awaran 2:17 Referans Kwoze

2 Samuel 17:25

Si Absalom insalat toy Amasa ed pasen nen Joab a pangulo na saray sondalo. Si Amasa lakin anak nen Itra ya Ismaelita; say ina to si Abigail ya anak nen Nahas tan agi na ina nen Joab a si Sarvia.)

1 Saray Arari 2:32

Dusaen na Katawan si Joab lapud saraman ya impamatey to ya anggapoy pikakabat nen amak a David. Pinatey nen Joab si Abner a pangulo na saray sondalo na Israel, tan si Amasa a pangulo na saray sondalo na Juda. Pinatey to ran anggapoy kasalanan, anta maung tan matonung ni ra nen say sikato.

1 Saray Arari 2:5

“Wala niy ibagak ed sika. Amtam iman so ginawa nen Joab ed siak nen pinatey to ray duaran pangulo na saray sondalo na Israel a di Abner a lakin anak nen Ner tan Amasa a lakin anak nen Jeter. Amtam no panoy impamatey tod sikara nen panaon na kareenan lapud imbawi tod impamatey da nen panaon na bakal. Pinatey to ray totoon anggapoy kasalanan tan natan siak so natetetel lapud saray ginawa to, tan siak so manaani na saray bungay kaogsan to.

2 Samuel 19:13

Binilin met ira nen David ya ikuandad kinen Amasa, “Kanayon ta ka. Manlapud natan, salatan moy Joab a pangulo na saray sondalo. Pateyen ak komun na Dios no ag ko ya gawaen!”

1 Saray Awaran 2:16

Wala met so duaran anak ton bibii a di Sarvia tan Abigail. Taloray lalakin anak nen Sarvia a biin anak nen Jesse: di Abisai, Joab, tan Asael.

1 Saray Awaran 2:18

Say lakin anak nen Hezron a si Caleb inasawa toy Azuba, tan walay biin anak da a manngaray Jeriot. Si Azuba taloray lalakin anak to a di Jeser, Sobab, tan Ardon.

1 Saray Awaran 12:18

Linmoob so Ispiritu na Dios ed sakey ed sikara, si Amasai, a diad arapen a panaon et nagmaliw a pangulo na “Saray Talomplo,” tan inkuanen Amasai, “Kayaryan tan kagampi mo kami, David ya anak nen Jesse! Aligwas so nagamuran mo tan saray ontulong ed sika! Ta say Dios so katambayan mo.” Maliket si David ya angawat ed sikara tan ginagawa to ran opisyal na saray sondalo to.