1 Saray Awaran 19:4 - Maung A Balita Biblia

⁴ Siningkat nen Hanun ira may imbaki nen David, nilabahasan to ray balbas da, pinotut to ya anggad tapi ray kawes da, insan to la ra pinapawil.

Maung a Balita Biblia

⁴ Siningkat nen Hanun ira may imbaki nen David, nilabahasan to ray balbas da, pinotut to ya anggad tapi ray kawes da, insan to la ra pinapawil.

1 Saray Awaran 19:4 Referans Kwoze

Marcos 12:4

Angibaki may akanubas na sananey ya aripen to. Saray kasamak pinepekpek da ed olo, insan da pinapabaingan.

Jeremias 48:37

Kinikiskisan dan amin so olo ra tan pinopotut day balbas da. Sinasalger day kalimaan da tan nankakawes na sako so balang sakey ed sikara.

Jeremias 41:5

wala ray walomplon lalakin sinmabi a nanlapud Sikem, Silo, tan Samaria. Inekal da ray balbas da, pinipilat da ray kawes da, tan sinasalger day laman da. Sankaawit da ray trigo tan say insinso ya ibagat da ed dalem na Timplo.

Isaias 20:4

Say ari na Asiria itaynan to ray labus-lakseb a prison adakep tod sarayan duan bansa. Malangwer may matakken, manakar a kasali-sali tan labus-lakseb, sankanengneng so ebet da, tan mangiter ya na kababaingan ed Egipto.

Isaias 15:2

Onkakalab ed pokdul iray totood Dibon, ta mannangis irad man ed altar. Saray totood Moab mandageyem irad ermen lapud saray siudad na Nebo tan Medeba; kiniskisan day olo ra tan saray balbas da lapud ermen da.

Saray Salmo 35:12

Maoges so ibabales dad maung a ginawak, et ontan lay paneermen ko.

2 Saray Awaran 36:16

Balet niludlurey da ray totoon imbabaki na Dios, ag da dinengel iray salita to, tan inelek-elekan da ray propita to. Diad kaonuran, ontan lay pasnuk na Katawan ed sikara kanyan ag la ra makapaliis.

Levitico 19:27

Ag yo kakatlian so buek ed saray diking na olo yo, ni popotutan so balbas yo,

1 Saray Awaran 19:3

inkuan na saray panguloy Ammonita ed kinen ari, “Abaloan mo sirin a say pamagalang ed kinen amam so makasengeg na impangibaki nen David ed sarayan totoo a midamay ed sika? Andi! Imbaki to ra dian manispia tan mannengneng ed siudad, pian nadakep da!”

1 Saray Awaran 19:5

Ag da labay so onsempet, ta ontan lay baing da. Nen akabatan nen David so agawa, impaibaga ton manayam ni rad Jerico ya anggad ituboy balbas da, insan la ra onsempet.