1 Saray Awaran 18:11 - Maung A Balita Biblia

¹¹ Insaklang nen David ira ya ed Katawan a pati saray pilak tan balituk a nalnala tod saray bansan tinatalo to—Edom, Moab, Ammon, Filistia, tan Amalec.

Maung a Balita Biblia

¹¹ Insaklang nen David ira ya ed Katawan a pati saray pilak tan balituk a nalnala tod saray bansan tinatalo toEdom, Moab, Ammon, Filistia, tan Amalec.

1 Saray Awaran 18:11 Referans Kwoze

Mikias 4:13

Say Katawan kuanto, “Totood Jerusalem, laka yo, ta dusa yo ray kalaban yo! Pagmaliwen ta kayon singa mabiskeg a bakan kalakyan a balatyang iray saklur to tan gansa ray koko to. Temeken yo ray amayamay a bansa, tan iyapay yod siak a Katawan na intiron mundo iray kayamanan a sinasamsam da.”

2 Saray Awaran 5:1

Nen asumpal nen Ari Solomon iray amin a kimey ed Timplo, inyan tod saray kuarton panagsinupan ed Timplo ya amin iray bengatlan insaklang nen ama ton David ed Katawan—saray pilak, balituk, tan saray arum a kagawaan.

1 Saray Awaran 29:14

“Diad tuay tua balet, saray totook tan siak et ag kami makapangiter ed sika na antokaman, lapud manlalapud sika iray amin a bengatla. Impawil mid sika labat iray bengatlan kayaryan mo.

1 Saray Awaran 26:20

Saray arum a kapara ran Levita et makaoley irad pananginay kayamanan na Timplo tan saray kuarton panagsinupan na saray rigalon nisaklang ed Dios.

1 Saray Awaran 22:14

Diad impanggawak na anggaay nayarian ko, akatipon ak na ngalngalin apat a libon toniladan balituk tan ngalngalin apataplon libon toniladan pilak ya onkanan pamaalagey ed Timplo na Katawan. Likud nid saraya, masolusoluk iray ikanan gansa tan balatyang. Wala met iray akaparaan a kiew tan bato, balet aruman mo ni ra.

2 Saray Arari 12:18

Inala nen Ari Joas na Juda iray amin a bagat ya insaklang ed Katawan na saray akaonan nanoley nen say sikato a di Ari Josafat, Jehoram, tan Ahazia. Inyarum to ra ed saray dilin bagat to, tan saray amin a balituk a walad saray pananginay kayamanan ed Timplo tan palasio, insan to ra inter a rigalo ed kinen Ari Hazael. Kanyan tinaynan nen Hazael tan saray sondalo to so Jerusalem.

1 Saray Arari 7:51

Nen asumpal nen Ari Solomon iray amin a kimey ed Timplo, inyan tod saray kuarton panagsinupan ed Timplo ya amin iray amin a bengatlan insaklang nen ama ton David ed Katawan—saray pilak, balituk, tan saray arum a kagawaan.

1 Samuel 30:20

Abawi to met ya amin iray baka tan karniro; saray totoo to dinadagdag da ran amin tan kuanda, “Kayaryan nen David ira ya!”

1 Samuel 30:13

Tinepet nen David ed sikato, “Siopay amom, tan taga ka iner?” “Taga ak Egipto, tan aripen ak na sakey ya Amalecita,” ebat to. “Taloy agew lay apalabas nanlapu lad impangitilak na amok; ta nansakit ak.

Josue 6:19

Amin a bengatlan ginawa ed pilak, balituk, gansa, odino balatyang et ibiig iran para Katawan. Nepeg ya iyakar ira ed panagsinupan na kayamanan na Katawan.”

Exodo 35:5

Mangibagat kayo ed Katawan. Amin a maliket a mangibagat nepeg a mangisaklang na balituk, pilak, odino gansa;

1 Saray Awaran 18:10

Kanyan imbaki toy lakin anak to a si Hadoram a mangilugay ed kinen Ari David tan mangitanduro ed sikato lapud impanalo tod kinen Hadadezer, ya amimpigan akalaban nen Toi. Initdan nen Hadoram si David na saray rigalon ginawad balituk, pilak, tan gansa.

1 Saray Awaran 18:12

Si Abisai a lakin anak nen Sarvia et tinalo to ray Edomita diad Patar na Asin tan pinatey toy labinwalon libod sikara.

Josue 6:24

Insan da pinoolan so siudad tan amin a logan to, likud labat ed saray bengatlan ginawad balituk, pilak, gansa, tan balatyang, ta inaala da ra tan inyaakar da ra ed panagsinupan na kayamanan na Katawan.