1 Saray Awaran 17:19 - Maung A Balita Biblia

¹⁹ Linawam tan getmam a gawaen yan para siak tan ipaamtam ed siak so pagmaliw kon lalo nin matalonggaring.

Maung a Balita Biblia

¹⁹ Linawam tan getmam a gawaen yan para siak tan ipaamtam ed siak so pagmaliw kon lalo nin matalonggaring.

1 Saray Awaran 17:19 Referans Kwoze

Isaias 37:35

Iyagel ko yan siudad lapud sikatoy pakagalangan ko tan lapud samay sipan kod kinen David ya aripen ko.’”

TAGA-EFESO 3:11

Ginawa ya na Dios onung ed andi-anggaan a getma to, a sinumpal to diad panamegley na Katawan tayon Cristo Jesus.

Mateo 11:26

On, Ama, agawa ya ta sikatoy nilabay mo.

Daniel 9:17

O Dios mi, dengel mo pay pikakasik tan say kerew ko. Ipawil mo pad gendat a kipapasen so Timplom ya aderal, pian naamtaan da a sika so Dios.

Isaias 49:3

Inkuantod siak, “Israel, sikay aripen ko; lapud sika, idayew ak na saray totoo.”

Isaias 42:1

Say Katawan kuanto, “Saya so aripen ko a pinabiskeg ko— sikatoy pinilik tan pakaliliketan ko. Pinanok na ispirituk, tan sikatoy mangyakar ed balang bansa na inkatonung.

Saray Salmo 111:6

Impapanengneng tod saray totoo to so pakayari to diad impangiter tod sikara na saray dalin na totood arum a bansa.

Saray Salmo 111:3

Napnoy kagalangan tan pakayari iray amin a gagawaen to; ag manganggay inkatonung to.

2 Samuel 7:21

Linawam tan getmam a gawaen ya; ginawam ira yan amin a bengatla pian nibangat mo ak.

1 Saray Awaran 17:18

Anto niy nayarian kon ibagad sika? Kabkabat mo ak ya aripen mo, et siansian papagalangan mo ak.

1 Saray Awaran 17:20

Katawan, anggapoy miparad sika; amta mi lawas a bukbukor mo so Dios.

Saray Salmo 116:16

Siak so aripen mo, Katawan; lilingkuran ta kan singa impanlingkur nen inak. Impaliis mo ak ed patey.