1 Saray Awaran 17:18 - Maung A Balita Biblia

¹⁸ Anto niy nayarian kon ibagad sika? Kabkabat mo ak ya aripen mo, et siansian papagalangan mo ak.

Maung a Balita Biblia

¹⁸ Anto niy nayarian kon ibagad sika? Kabkabat mo ak ya aripen mo, et siansian papagalangan mo ak.

1 Saray Awaran 17:18 Referans Kwoze

Puyan 2:23

Pateyen ko met iray anak to, pian naamtaan na saray iglisia a siak so makaamta ed puso tan kanunotan da ray katoowan. Mangiter ak ed balang sakey ed sikayo, onung ed saray gawgawa to.

Juan 21:17

Pinitlo nen Jesus a tinepet, “Simon ya anak nen Juan, inaro mo ak?” Naermenay Pedro ta pinitlo nen Jesus a tinepet, “Inaro mo ak?” Kanyan kuantod kinen Jesus, “Katawan, amtam iray amin a bengatla; amtam ya inaro ta ka!” Inkuanen Jesus ed sikato, “Asikasom iray karnirok.

Saray Salmo 139:1

Katawan, sinokayan mo ak kanyan kabat mo ak.

1 Samuel 16:7

Balet inkuan na Katawan ed sikato, “Ag mo iimanoen no panoy kinabaleg tan kinaguapo to. Impolisay ko, ta say panagpilik aliwan singa panagpili na too. Say too say walad paway so nenengnengen to, balet say puso so nenengnengen ko.”

1 Samuel 2:30

Siak, say Katawan a Dios na Israel, insipan ko nen saman a say pamilyam tan saray kabyangay boleg mo et anggad anggan manlingkur iran papari ed siak. Balet ibabagak natan ya ag ko la sumpalen! Ingen, pagalangan ko ray mamagalang ed siak, balet lemlemewen ko ray mambalaw ed siak.

1 Saray Awaran 17:17

Balet natan, lalon dakel ni so gagawaen mo; nansipan kay nipaakar ed saray kabyangay pamilyak diad arapen a panaon. Sika, Katawan a Dios, et ipapasen mo ak lan singa sakey a toon matalonggaring.

1 Saray Awaran 17:19

Linawam tan getmam a gawaen yan para siak tan ipaamtam ed siak so pagmaliw kon lalo nin matalonggaring.