1 Saray Awaran 17:12 - Maung A Balita Biblia

¹² Sikatoy mamaalagey na sakey a timplon para siak, tan pansiansiaen ko ya anggad angga so nanarian to.

Maung a Balita Biblia

¹² Sikatoy mamaalagey na sakey a timplon para siak, tan pansiansiaen ko ya anggad angga so nanarian to.

1 Saray Awaran 17:12 Referans Kwoze

Daniel 2:44

Diad panaon da ra man a manoley say Dios na tawen mangiletneg na panarian ya ag balut mangangga. Ag balut nadakep yan panarian, no ag ingen sigput ton deralen ya amin ira man ya impirio, insan mansiansia ya anggad angga.

Isaias 9:7

Onlaknab lan onlaknab so pakaoley ton ari, mansiansian mareen so panarian to, Manoley a kasalat nen Ari David, tan iletneg tod kaptekan tan katonungan so pakayari to, manlapud natan ya anggad angga. Andi-saew a sumpalen ya amin na Makapanyarin-amin a Katawan.

1 Saray Arari 5:5

Insipan na Katawan ed kinen amak a David, ‘Say anak mon laki ya isalat kod sikan manari so mangipaalagey na timplo a para siak.’ Peteg a ginetmak la natan sirin so mangipaalagey na Timplon pangigalangan ed Katawan a Dios ko.

Puyan 11:15

Insan sinibuk na kumapiton anghil so trumpita to, tan walay makmaksil iran bosis ed tawen ya inkuanda, “Say panoley ed sankamundoan niiter lad Katawan tayo tan diad Cristo to, tan manarin anggad angga!”

COLOSAS 2:9

Ta say intiron inkagnap na inka-Dios et manaayam ed Cristo diad inkatoo to,

1 CORINTO 15:25

Ta nakaukolan a manariy Cristo, anggad say Dios napasuko tod sikato ray amin a kalaban.

Saray Salmo 89:29

Sakey a kabyangay boleg to so lawas manari; say panarian to ag manganggan singa say tawen.

Saray Salmo 89:4

‘Sakey a kabyangay boleg mo so manari lawas, tan pansiansiaen kon anggad angga so panarian mo.’”

Esdras 5:11

“Inebatan da kami, ‘Sikami ray aripen na Dios na tawen tan dalin, tan ipapaalagey mi lamet so Timplon inmonan impaalagey na sakey a makapanyarin ari na Israel a sikato met so angyan na saray kagawaan to nen abayag lan panaon.

1 Saray Arari 8:19

balet aliwan sikay mangipaalagey. Say dilin lakin anak mo so mangipaalagey na timplok.’

1 Saray Awaran 17:11

No ompatey ka tan nipompon kad kawalaan da ray lalakim, gawaen kon ari so sakey ed saray anak mo tan pabiskegen koy nanarian to.

1 Saray Awaran 17:13

Siak so magmaliw ya ama to tan sikatoy magmaliw ya anak ko. Ag ko ekalen so ag mangoman a panangarok ed sikato, aliwan singa ginawak ed kinen Saul.

Saray Salmo 72:17

Ag komun nalingwanan so ngaran na ari; mansiansia komun a singa agew so inkabantug to. Amin a bansa kerewen da komun ed Dios a bindisionan to ra a singa impamindision tod ari.

Saray Salmo 89:5

Saray katawenan ikakanta ray makapakelaw a gagawaen mo, O Katawan; ikakanta na saray masantom so inkatoor mo.