1 Saray Awaran 17:11 - Maung A Balita Biblia

¹¹ No ompatey ka tan nipompon kad kawalaan da ray lalakim, gawaen kon ari so sakey ed saray anak mo tan pabiskegen koy nanarian to.

Maung a Balita Biblia

¹¹ No ompatey ka tan nipompon kad kawalaan da ray lalakim, gawaen kon ari so sakey ed saray anak mo tan pabiskegen koy nanarian to.

1 Saray Awaran 17:11 Referans Kwoze

Saray Salmo 132:11

Sinambaan mod kinen David—sakey a sipan ya ag mo benegan: “Gawaen kon ari so sakey ed saray anak mon lalaki, tan onsalat ed sikan manari.

Saray Gawgawa 13:36

Kasumpal a ginawa nen David ed legay impambilay to so linaway Dios, inatey tan nipompon a kaabay to ray lalaki to. Dinalan to met sirin so kaboboluk.

Saray Gawgawa 2:29

“Agagi, ibagak ed sikayon malinlinew ya inatey tan nipompon si David a patriarka. Nanengneng tayo nin anggad natan so lobuk to.

1 Saray Awaran 29:28

Masiken la nen inatey. Andokey so bilay to, mayaman tan napnoy kagalangan. Sinmalat ed sikaton nanari si Solomon a lakin anak to.

1 Saray Awaran 29:15

Amtam, O Katawan, a diad pambibilay mi sikamiy akar-akar a sangkaili tan totoon nibantak ed arum a bansa, a singa impanbilay na saray lalaki mi. Singa labat ondadalan ya anino iray agew mid tapew na dalin, tan ag mi napaliisan so patey.

1 Saray Awaran 28:5

Initdan to ak na amayamay ya anak a laki tan diad sikara pinili toy Solomon a manoley ed intiron Israel, saray panarian na Katawan.

1 Saray Arari 8:20

“Sinumpal natan na Katawan yan sipan to; sinalatan kon manarid Israel si amak a David, tan nipaalagey koy timplon pangigalangan ed Katawan a Dios na Israel.

1 Saray Arari 2:10

Inatey si David tan nipompon ed Jerusalem.

1 Saray Arari 1:21

No ag mo ya gawaen natan, kapatey mo siak tan si Solomon ya anak ko et nipasen kamin traidor.”

Deuteronomio 31:16

Say Katawan kuantod kinen Moises, “Magano lay ipatey mo, et kapatey mo magmaliw iran malamang ed siak iray totoo tan deralen day impisipanan kod sikara. Ikaindan da ak tan mangigalang irad saray paganon diriyos na dalin a ngalngali da lan looban.

Genesis 15:15

Sika, andokey so bilay mo, mareen so ipatey mo, insan ka nipompon.

1 Saray Arari 8:19

balet aliwan sikay mangipaalagey. Say dilin lakin anak mo so mangipaalagey na timplok.’

1 Saray Awaran 17:12

Sikatoy mamaalagey na sakey a timplon para siak, tan pansiansiaen ko ya anggad angga so nanarian to.

Jeremias 33:17

Siak, say Katawan, isisipan ko a wala lawas so manarid Israel a kabyangay boleg nen David,

2 Saray Awaran 6:9

balet aliwan sikay mangipaalagey. Say dilin anak mo so mangipaalagey na timplok.’

Saray Salmo 89:5

Saray katawenan ikakanta ray makapakelaw a gagawaen mo, O Katawan; ikakanta na saray masantom so inkatoor mo.