1 Saray Awaran 17:1 - Maung A Balita Biblia

¹ Manaayam la natan si Ari David ed palasio to. Aminsan impaawit toy propita. Natan tan kuantod sikato, “Wadya ak a manaayam ed abung a sidro, balet say Kaban na Sipanan na Katawan et akasinup labat ed dalem na sakey a tulda!”

Maung a Balita Biblia

¹ Manaayam la natan si Ari David ed palasio to. Aminsan impaawit toy propita. Natan tan kuantod sikato, Wadya ak a manaayam ed abung a sidro, balet say Kaban na Sipanan na Katawan et akasinup labat ed dalem na sakey a tulda!

1 Saray Awaran 17:1 Referans Kwoze

1 Saray Awaran 17:5

Nanlapu lad impangipaway kod saray totood Israel ed Egipto ya anggad natan, ag ak balut nanayam ed dalem na timplo; diad nandoroman lugar a naknakar ko, dalem na tulday nanaayaman ko.

1 Saray Awaran 15:1

Si David angipaalagey ed Siudad nen David na saray abung a para sikaton dili. Angiparaan met na pasen a para Kaban na Sipanan na Dios tan impaalageyan to na tulda.

Aggeo 1:9

“Nanilalo kayon makaani na dakerakel, balet dagdaiset so naani yo. Et nen insempet yo ray naani yo intitikyab ko ra. Akin et onmay ginawak? Lapud apaolyan ya aderal-deral so Timplok; inarap yon kikimeyan so dilin kaabungan yo.

Aggeo 1:4

“Totook, akin et manaayam kayod mararakep ya abung, balet palpaolyan yon aderal-deral so Timplok?”

Daniel 4:4

“Siak, si Nabucodonosor, mambibilay ak nen saman a mainawa ed palasiok, panliliketan ko so ontan lan iyaaligwas ko.

Jeremias 22:15

Magmaliw ka sirin a maung ya ari lapud tablan sidro iray inkanam ed abung mo tan marakep ni nen saray arum? Nagnap a bilay so nanliketan nen amam. Maptek tan matonung lawas so impanbilay to, kanyan inmaligwas ed amin a ginagawa to.

Saray Salmo 132:5

anggad ag ko pakapangiter na pasen a para Katawan, sakey ya abung na Makapanyarin Dios nen Jacob.”

2 Saray Awaran 1:4

Diad saman a panaon balet, walad Jerusalem so Kaban na Sipanan; nisinup ed dalem na tuldan impaalagey nen Ari David nen inyakar ton manlapud Kiryat-jearim imay kaban.)

1 Saray Awaran 29:29

Say awaran na impanbilay nen Ari David, manlapud gapo ya anggad samput, et nikorit ed saray awaran di propita Samuel, Natan, tan Gad.

1 Saray Awaran 16:1

Inyakar da may Kaban na Sipanan ed tuldan imparaan nen David tan inyan dad dalem to. Insan angisaklang irad Dios na saray bagat a popoolan tan saray bagat a para kareenan.

1 Saray Awaran 14:1

Si Ari Hiram na Tiro angibaki na totoo to ed kinen David; initdan to na saray troson sidro, tan saray karpintiro tan saray kantiro, ta igawaan day palasio si David.

1 Saray Arari 1:44

Imbaki ton mangolup ed sikato ira di Sadoc, Natan, Benaya, tan saray umaantabay na ari. Pinakabayo rad mula na ari si Solomon,

1 Saray Arari 1:23

Nibagad ari a sinmabiy propita Natan. Linmoob si Natan, insan dinmakmomod arap na ari.

1 Saray Arari 1:8

Balet ag akigampid sikato si Sadoc a pari, si Benaya a lakin anak nen Jehoyada, si Natan a propita, si Simei, si Rei, tan saray umaantabay ed kinen David.

2 Samuel 12:25

tan ingganggan toy Natan a ngaranan toy ogaw na Jedidia, ta inaro na Katawan.

2 Samuel 12:1

Imbaki na Katawan si propita Natan ed kinen David. Linmay Natan ed sikato tan kuanto, “Walay duaran laki a manaayam ed saksakey a baley; mayaman so sakey tan mairap-bilay so sakey.

2 Samuel 6:17

Inyakar day Kaban na Sipanan tan inyan dad pasen to diad dalem na tulda ya imparaan nen David a panginan. Insan angisaklang ed Katawan na saray bagat a popoolan tan bagat a para kareenan.

Saray Gawgawa 7:46

Nanggayagay Dios ed kinen David tan kinerew ton abuloyay Dios a manggaway ayaman a para Dios nen Jacob.

1 Saray Arari 8:17

Intuloy nen Solomon ya inkuan, “Nampilalekan nen amak a David so mangipaalagey na timplo a pangigalangan ed Katawan a Dios na Israel,

1 Saray Awaran 17:2

Inmebat si Natan, “Gawam labat so antokaman a walad kanunotan mo, ta walad sika so Dios.”

1 Saray Awaran 22:7

Inkuanen David ed sikato, “Anak ko, nilabay koy mamaalagey nen saman na Timplon pamagalang ed Katawan kon Dios.

1 Saray Awaran 28:2

Nanalagey ed arap da si Ari David tan nansalita ed sikara. Inkuanto, “Dengel yo ak, sikayon agagik tan totook. Nampilalekan koy mangipaalagey na mansiansian panayaman na Kaban na Sipanan, say panangitapeway sali na Katawan tayon Dios. Imparaan ko ray nakaukolan ed pangipaalagey na sakey a timplo a pamagalang ed Dios,

Exodo 26:1

“Igawaan mo so dalem na Tuldan Ayamay Katawan na samploran kurtina a pinon linen. Asul, purpura, tan ambalanga so tinebey da tan bordaan mo ra na saray kirubin.

1 Saray Awaran 22:6

Impaawit toy anak ton Solomon tan ingganggan ton mangipaalagey na Timplon para Katawan a Dios na Israel.