1 Saray Awaran 16:36 - Maung A Balita Biblia

³⁶ Idayew yoy Katawan a Dios na Israel! Idayew yo natan tan anggad angga! Insan inkuan na amin a totoo, “Amen,” tan indayew day Katawan.

Maung a Balita Biblia

³⁶ Idayew yoy Katawan a Dios na Israel! Idayew yo natan tan anggad angga! Insan inkuan na amin a totoo, Amen, tan indayew day Katawan.

1 Saray Awaran 16:36 Referans Kwoze

1 Saray Arari 8:15

Inkuanto, “Nagalang komun so Katawan a Dios na Israel! Sinumpal toy sipan tod amak a David, nen inkuantod sikato,

Nehemias 8:6

Inkuanen Esdras, “Nadayew komun so Katawan, say matalonggaring a Dios!” Amin a totoo inyatagey day lima ra tan kuanda, “Amen, Amen!” Insan ira dinmakmomon angigalang ya anggad dalin.

1 Saray Arari 8:56

“Nadayew komun so Katawan ya angiter na kareenan ed saray totoo to, onung na insipan to. Sinumpal ton amin iray maabig ya insipan to diad panamegley na aripen ton si Moises.

TAGA-EFESO 1:3

Nagalang komuy Dios tan Ama na Katawan tayon Jesu-Cristo, ta initdan to itayo na amin a maispiritun bindision ed katawenan, lapud pikakasakey tid Cristo.

1 CORINTO 14:16

No misalamat kad Dios diad panamegley na ispiritu labat, panoy pangikuay “Amen” na sakey a toon wadman ya anggapod sikatoy ontan a langkap, bangta ag to natalusay ibagam?

Jeremias 28:6

Inkuanko, “Amen! Ilaloan kon gawaen na Katawan so ontan. Ilaloan kon sumpalen na Katawan ira tan ya amin a salitam. Ipawil to komun manlapud Babilonia iray amin a kayamanan ed Timplo tan saray amin a totoon adakep ed arawin lugar.

1 Pedro 1:3

Nagalang komuy Dios tan Ama na Katawan tayon Jesu-Cristo! Lapud baleg a panangasiy Dios Ama, initdan to itayoy balon bilay diad panamegley na inkiolid bilay nen Jesu-Cristo. Sayan balon bilay so angiter ed sikatayoy mabilay ya ilalo,

Saray Salmo 106:48

Idayew yoy Katawan, say Dios na Israel; idayew yo natan tan anggad angga! Ikuan komun na amin a katoowan, “Amen!” Idayew yoy Katawan!

Saray Salmo 106:47

Ilaban mo kami pa, O Katawan a Dios mi, tan tipon mo kami a manlapud saray arum a bansa, pian misalamat kami, tan idayew miy masanton ngaran mo.

Nehemias 9:5

Saray onggendan a Levita tinawag dan mangigalang iray totoo: Jesua, Cadmiel, Bani, Hasabnias, Serebias, Hodias, Sebanias, tan Petahias. Inkuanda: “Alagey kayo tan idayew yoy Katawan a Dios yo; idayew yo ed ando lan ando! Idayew komun na balang sakey a too sa mapagalang a ngaran to, anggaman ya aliwan nagnap so panangigalang na too.”