1 Saray Awaran 16:28 - Maung A Balita Biblia

²⁸ Amin yon katoowan ed tapew na dalin, idayew yoy Katawan; idayew yoy kagalangan tan pakapanyari to.

Maung a Balita Biblia

²⁸ Amin yon katoowan ed tapew na dalin, idayew yoy Katawan; idayew yoy kagalangan tan pakapanyari to.

1 Saray Awaran 16:28 Referans Kwoze

1 CORINTO 15:10

Balet lapud baleg a panangaroy Dios, nagmaliw ak ya apostol, tan ag met naandiay kakanaan so baleg a panangaro ya inter tod siak. Mairap niy impankimey ko nen say siopaman ed sikara, anggaman ya aliwan lapud biskeg kon dili, no ag lapud baleg a panangaro na Dios ed siak.

FILIPOS 4:13

Nayarian kon gawaey amin a bengatla, lapud Cristo a mamapabiskeg ed siak.

Saray Salmo 68:34

Ibawag yoy pakayariy Dios; walad intiron Israel so kagalangan to, tan walad saray katawenan so pakayari to.

TAGA-EFESO 1:6

Igalang tayo lapud makapakelaw a panangaro ton inter tod sikatayo diad panamegley na inararo ton Anak!

Isaias 11:10

Onsabiy agew a say balon ari a nanlapud saray manarin kabyangay boleg nen David et magmaliw a sakey a tanda ed saray bansa. Mantitipon irad panaarian ton siudad tan sikatoy igalang da.

Saray Salmo 98:4

Mankanta kayod liket ed Katawan, amin yon walad mundo; idayew yo diad panamegley na saray kanta tan saray maliket ya eyag!

Saray Salmo 67:7

Binindisionan itayoy Dios; igalang komun na katoowan ed amin a pasen.

Saray Salmo 67:4

Manggayaga komun iray bansa tan mankanta ra lapud liket, ta matonung so panisintinsiam ed saray katoowan tan iwawanwan mo ray amin a bansa diad tapew na dalin.

1 Samuel 6:5

Nakaukolan a manggawa kayo na sarayan balituk a pelsa tan balituk ya otut a mandederal ed bansa yo, tan pagalangan yoy Dios na Israel. Itonda to angangko so panudusa tod sikayo, saray diriyos yo, tan say dalin yo.

1 Saray Awaran 16:27

Galang tan pakayari so walad kaliber-liber to; biskeg tan liket so walad dalem na Timplo to.

1 Saray Awaran 16:29

Idayew yoy mapagalang a ngaray Katawan; mangawit kayoy bagat tan loob kayod Timplo to. Dakmomo kayod arap na Masanton Katawan no omparontal;

Saray Salmo 96:7

Amin yon katoowan ed tapew na dalin, idayew yoy Katawan; idayew yoy kagalangan tan pakapanyari to.