1 Saray Awaran 16:26 - Maung A Balita Biblia

²⁶ Talintao labat ya amin iray diriyos da ray arum a bansa, balet say Katawan pinalsa to ray katawenan.

Maung a Balita Biblia

²⁶ Talintao labat ya amin iray diriyos da ray arum a bansa, balet say Katawan pinalsa to ray katawenan.

1 Saray Awaran 16:26 Referans Kwoze

Saray Salmo 102:25

abayag lan pinalsam so mundo, tan saray dilin limam so nanggawad katawenan.

Levitico 19:4

“Ag yo ak ikakaindan tan ag kayo mangigagalang ed saray talintaoy diriyos; ag kayo manggagawa na saray mital a diriyos insan yo ra pampikasian. Siak so Katawan a Dios yo.

Isaias 44:24

“Siak so Katawan a manangilaban mo; siak so amalsad sika. Siak so Katawan a Manamalsad amin a bengatla. Siak labat so angipanat ed katawenan; nen pinalsak so mundo, anggapoy tinmulong ed siak.

Isaias 42:5

Pinalsa na Dios iray katawenan tan impanat to ra; pinalsa toy mundo tan amin a manaayam dia; initdan toy bilay tan linawa iray amin a katoowan ed mundo. Et natan say Katawan a Dios kuantod aripen to,

Puyan 14:7

Inkuantod maksil a bosis, “Takotan yoy Dios, tan itanduro yoy katageyan to! Ta sinmabi lay oras a panintinsia to. Kanyan igalang yoy Dios ya amalsay tawen, dalin, dayat, tan saray sobul na danum!”

1 CORINTO 8:4

Kanyan nipaakar ed pangay kakanen a nibagat ed saray talintaoy diriyos: amta tayon anggapoy kabaliksan na talintaoy dios; kabat tayon saksakey labat so Dios.

Saray Gawgawa 19:26

Nanenengneng tan narerengel yo met so gagawaen to man a Pablo. Ibabaga ton saray diriyos a gagawaey totoo et aliwa ran tuan diriyos. Amayamay la ray apanisia to, diad Efeso tan diad ngalngali intiron Asia.

Isaias 40:26

Tangay kayo pa ed tawen! Siopay amalsad saray sankanengneng yon bitewen? Say mangiwawanwan ed sikaran singa saray sondalo et amta toy karakel da tan tatawagen tod ngaran so balang sakey ed sikara. Ontan lay kabaleg so pakayari to— anggapoy nabalang ya anggan sakey ed sikara!

1 Saray Awaran 16:27

Galang tan pakayari so walad kaliber-liber to; biskeg tan liket so walad dalem na Timplo to.

Saray Salmo 96:5

Talintao labat ya amin iray diriyos da ray arum a bansa, balet say Katawan pinalsa to ray katawenan.

Say Libro nen Job 9:8

Anggapoy tinmulong ed Dios diad impangipanat tod katawenan odino diad impanggatin-gatin tod dragon na dayat.