1 Saray Awaran 16:25 - Maung A Balita Biblia

²⁵ Matalonggaring so Katawan, tan nepeg ya idaydayew; nepeg a lalon igalang nen saray amin a diriyos.

Maung a Balita Biblia

²⁵ Matalonggaring so Katawan, tan nepeg ya idaydayew; nepeg a lalon igalang nen saray amin a diriyos.

1 Saray Awaran 16:25 Referans Kwoze

Saray Salmo 89:7

Sikay gagalangen ed tipon da ray masanto; manalalagey iran amin a natatakot ed sika.

Saray Salmo 76:7

Balet sika makapataktakot ka. Siopay makakpel ya onarap ed sika no mamapasnuk ka?

Jeremias 5:22

Siak so Katawan; akin et ag yo ak takotan? Akin et ag kayo onggiwgiw ed arap ko? Impasen koy kabueran a ketegan na dayat, sakey a mansiansian ketegan ya ag to nalabsanan. Onsipwak iray daluyon to, balet ag to nalabsanan so kabueran; onungol iray daluyon to, balet ag to napalumbasan.

Exodo 15:11

“Katawan, siopad saray diriyos so singa sika? Siopay singa sikan makapakelaw ed inkasanto? Siopay makapanggawa na saray milagro tan saray makapakelaw a gawa a singa saray ginagawam?

1 Saray Awaran 16:24

Ibando yod saray bansa so kagalangan to, tan diad amin a katoowan iray makapakelaw a gawgawa to.

2 Saray Awaran 2:5

Baleg a timplo so ipapaalagey ko, lapud matalonggaring so Dios nen saray arum a diriyos.

Saray Salmo 48:1

Matalonggaring so Katawan, tan manepenepeg ya idayew ed siudad na Dios tayo, diad masanton palandey to.

Saray Salmo 76:8

Manlapud tawen, impaamtam so sintinsiam; tinmakot so mundo tan nandeen,

Saray Salmo 145:3

Matalonggaring so Katawan tan manepenepeg a galangen; sigput ya ag natalusan so inkatalonggaring to.

Malakias 1:11

Igagalang ak na amin a totoo ed amin a sukong na mundo. Inerman a pasen saray totoo mamopool ira na insinso a para siak tan mangisasaklang ira na makapaliket a bagat. Igagalang da ak ya amin!