1 Saray Awaran 16:12 - Maung A Balita Biblia

^12-13 Sikayo ran kabyangay boleg nen Israel ya aripen na Dios, sikayo ran kabyangay boleg nen Jacob a pinili na Dios nunot yo ray makapakelaw a milagron ginagawa to, tan saray sintinsian iniiter to.

Maung a Balita Biblia

^12-13 Sikayo ran kabyangay boleg nen Israel ya aripen na Dios, sikayo ran kabyangay boleg nen Jacob a pinili na Dios nunot yo ray makapakelaw a milagron ginagawa to, tan saray sintinsian iniiter to.

1 Saray Awaran 16:12 Referans Kwoze

Saray Salmo 119:20

Mapalaloy pampipilalek na pusok; labay kon naamtaan lawas iray sintinsiam.

Saray Salmo 111:4

Ag ipapalingwan na Katawan iray makapakelaw a kimey to; sikatoy mapangasi tan maabagey.

Saray Salmo 103:2

Kamarerwak, idayew moy Katawan, tan ag mo lilingwanan so ontan lan panangasi to.

Saray Salmo 119:137

Matonung ka, Katawan, tan maptek iray ganggan mo.

Saray Salmo 119:75

Amtak, Katawan, a maptek iray sintinsiam; amtak met a dinusa mo ak ta matoor ka.

Puyan 19:2

Matonung tan tua ray sintinsia to! Dinusa toy makapanyarin marotak a biin mangikakayat na kaogsan ed dalin, lapud pankakasalanan toy inmoralidad. Say Dios dinusa to, lapud impamatey tod saray aripen na Katawan.”

Puyan 16:7

Insan nadngel koy bosis a nanlapud altar ya inkuanto, “Katawan a Dios a Makapanyarin-amin, talagan matonung tan tua ray sintinsiam!”

Saray Taga Roma 11:33

Agaylay karakel so kayamanay Dios! Ag natokur so kakabatan tan pakatalus to! Ag natalusan iray panagsintinsia tan kagagawa to!

Saray Salmo 119:13

Olit-oliten kon ibelyaw ya amin iray ganggan ya inter mo.

Saray Salmo 78:43

tan nanggagawa na saray milagro tan tanda diad patar na Soan, ed dalin na Egipto.

Saray Salmo 77:11

Nanunotan ko ray ginagawam, Katawan; natandaan koy makapakelaw iran ginagawam nen saman.

Saray Salmo 19:9

Maung so pangigalang ed Katawan; mansiansia ed anggad angga. Matonung so pananintinsiay Katawan, tan maptek lawas.

Exodo 13:3

Si Moises kuantod saray totoo, “Tandaan yo yan agew—say agew ya intaynan yon manlapud dalin na Egipto a dimay inkaaripenan yo. Diad sayan agew say Katawan impaway to kayo diad panamegley na baleg a pakayari to. Ag nepeg a kanen ed sayan agew so tinapay a pinaalsad libadura.

Exodo 13:14

Diad arapen a panaon, no tepeten na saray anak yo so kabaliksan na sayan gawaen yo, onya so iyebat yo; ‘Diad panamegley na baleg a pakayari na Katawan, impaway to kamid Egipto, say pasen ya akaaripenan mi.

1 Saray Awaran 16:14

Say Katawan so Dios tayo, para amin a katoowan iray ganggan to.