1 Saray Awaran 15:29 - Maung A Balita Biblia

²⁹ Legan a niyaakar ed siudad so Kaban na Sipanan, tinmandag si Micol a biin anak nen Saul, et anengneng toy Ari David a mansasayaw-sayaw tan manlulukso-lukso ed liket. Lapud saya naingungotan ed kinen David.

Maung a Balita Biblia

²⁹ Legan a niyaakar ed siudad so Kaban na Sipanan, tinmandag si Micol a biin anak nen Saul, et anengneng toy Ari David a mansasayaw-sayaw tan manlulukso-lukso ed liket. Lapud saya naingungotan ed kinen David.

1 Saray Awaran 15:29 Referans Kwoze

2 Samuel 6:16

Legan a niyaakar ed siudad so Kaban na Sipanan, tinmandag si Micol a biin anak nen Saul et anengneng toy Ari David a mansasayaw-sayaw tan manlukso-lukso ed arap na Katawan. Lapud saya binalaw tod puso to si David.

Saray Hebreo 9:4

Dia so kawalaay balituk ya altar a panagpoolay insinso; diman met so kawalaay kaban na sipanan a binalkut ya intiro na balituk. Walad loob na kaban so balituk a banga ya anginay mana, say nansimit a bastun nen Aaron, tan saray duaran tapyak a baton angisulatan na saray ganggan.

2 CORINTO 5:13

No singa kami ambagel, Dios so kipaakaran to, no makalakal kami, sikayoy kipaakaran to.

1 CORINTO 2:14

Ta say toon anggapod sikatoy Ispiritu ag to awaten iray bengatlan iter na Ispiritu na Dios. Diad tuay tua, ag to ra natalusan; anggapoy kabaliksan da ra yad sikato, ta saray maispiritun bengatla natalusan ira labat diad panamegley na maispiritun panagnunot.

Saray Gawgawa 2:13

Balet wala ray totoon nanludlurey ed saray mananisia tan inkuanda, “Abuek ira tan!”

Jeremias 33:11

iray eyag na liket tan gayaga, tan say tanul na sayaksak ed saray bansal. Narengel yo ray totoon mankanta legan dan mangibabagat ed Timplok na pisasalamat; ikuanda, ‘Misalamat kayod Katawan a Makapanyarin-amin, ta sikato et maung, tan ag mangangga so panangaro to.’ Paaligwasen ko yan dalin a singa samay kipapasen to nen saman. Siak, say Katawan, so nansalita.”

Jeremias 30:19

Mankanta na panangidayew iray totoon manaayam diman; maneyag irad liket. Lapud panamindision ko ondakel ira, tan napagalangan ira.

Jeremias 3:16

Insan no nagmaliw lan ag nabilang so kinarakel yo ed saman a dalin, ag la salitaen na saray totoo so nipaakar ed Kaban na Sipanan ko. Ag da la nunoten so nipaakar ed Kaban na Sipanan, odino nanunotan; ag da la anggan nakaukolan, odino manggawa na sananey.

Ecclesiastes 3:4

Igegetar toy panaon na panermen tan say panaon na panliket, say panaon na pandageyem tan say panaon na pansayaw,

Saray Salmo 150:4

Idayew yo diad pamaknul yod saray tambul tan diad pansayaw yo. Idayew yo diad panogtog yod saray arpa tan plauta.

Saray Salmo 149:3

Idayew yoy ngaran to diad panamegley na sayaw; togtog yo ray tambul tan saray arpa diad pangidayew yod sikato.

Saray Salmo 30:11

Sinalatan mo na magayagan sayaw so ermen ko; nilakseb mod siak so ermen ko, insan inkawes mod siak so gayaga.

1 Samuel 25:44

Legan to ya impaasawa nen Saul so anak to a si Micol ed kinen Palti ya anak nen Lain a taga baley na Gallim. Si Micol asawa nen David nen saman.

1 Samuel 4:3

Nen pinmawil ed kampo iray ag apatey ed bakal, inkuan na saray pangulod Israel, “Akin et inyabuloy na Katawan a taloen itayo natan na saray Filisteo? Tila ta alaen tayod Silo so Kaban na Sipanan na Katawan, pian milad sikatayo so Katawan tan iyagel to itayod saray kalaban tayo.”

Saray Huis 20:27

Diad saraman ya agew wadman ed Betel imay Kaban na Sipanan na Dios, tan si Finees a lakin anak nen Eleazar tan apo nen Aaron so makaoley ed samay Kaban. Tinepet na saray totoo ed Katawan, “Onla kami lamet a mibakal ed saray agagi min Benjaminita, odino ontonda kami la?” Inmebat so Katawan, “Mibakal kayo, et nabwas panaloen ta kayod sikara.”

Deuteronomio 31:26

“Ala yo yan libro na Ganggan na Dios tan iyan yod abay na Kaban na Sipanan na Katawan a Dios yo, pian mansiansiad man a sakey a tasin sumpad saray totoo to.

Saray Bilang 10:33

Nen tinaynan na saray totoo so Sinai a mansanton palandey, nanakar iran taloy agew. Wala lawas ed onaan da imay Kaban na Sipanan na Katawan a mananap na pasen a pankampuan da.

Exodo 15:20

Say biin agi nen Aaron, a si propita Miriam, inala toy tamborin to, tinombuk na amin a bibii, nantotogtog iray tamborin tan nansasayaw-sayaw ira.

1 Saray Awaran 17:1

Manaayam la natan si Ari David ed palasio to. Aminsan impaawit toy propita. Natan tan kuantod sikato, “Wadya ak a manaayam ed abung a sidro, balet say Kaban na Sipanan na Katawan et akasinup labat ed dalem na sakey a tulda!”

Josue 4:7

ibaga yod sikara a tinmondan onagos so danum na Jordan nen imbaliw diman so Kaban na Sipanan na Katawan. Saratan a bato et mangipanunot lawas ed saray totood Israel na nipaakar ed agawa dia.”

1 Saray Awaran 15:28

Kanyan amin da ray Israelita inolup da ya anggad Jerusalem imay Kaban na Sipanan a kataruk day eyag na liket, tanul na saray trumpita, tambuyog, piangpiang, tan togtog na saray arpa.