1 Saray Awaran 15:26 - Maung A Balita Biblia

²⁶ Angibagat ira na pitoran bakan kalakyan tan pitoran karniro, lapud tutulongan na Dios iray Levitan manasakbat na samay Kaban na Sipanan.

Maung a Balita Biblia

²⁶ Angibagat ira na pitoran bakan kalakyan tan pitoran karniro, lapud tutulongan na Dios iray Levitan manasakbat na samay Kaban na Sipanan.

1 Saray Awaran 15:26 Referans Kwoze

Saray Bilang 23:29

Inkuanen Balaam ed kinen Balak, “Igawaan mo ak dia na pitoran altar tan iyakaran mo ak na pitoran bakan kalakyan tan pitoran karniron kalakyan.”

Say Libro nen Job 42:8

Natan sirin, mangyakar kayod kinen Job na pitoran bakan kalakyan tan pitoran karniron kalakyan ta isaklang yo ran bagat a popoolan para sikayo. Ipikasi to kayo nen Job, et ebatan koy pikakasi yo tan ag ta ki la dusaen onung na kanepegan yo. Kanepegan yo komuy dusaen lapud ag yo sinalita so katwaan nipaakar ed siak, a singa ginawa nen Job.”

1 Saray Awaran 29:14

“Diad tuay tua balet, saray totook tan siak et ag kami makapangiter ed sika na antokaman, lapud manlalapud sika iray amin a bengatla. Impawil mid sika labat iray bengatlan kayaryan mo.

2 CORINTO 3:5

No diad sikamin dili labat, ag mi nipasen a nagnap so pakayari mid sayan gawa; manlalapud Dios so antokaman a pakayari mi.

2 CORINTO 2:16

Sayan balingit samal ed saray nababalang, balet ambalingit tan mangiiter na bilay ed saray nilalaban. Siopay makagawad sayan kimey?

Saray Gawgawa 26:22

Balet say Dios tinulongan to ak ya anggad natan, kanyan manalalagey ak a mantatasid anggan siopa, abeba man o atagey so kipapasen to. Say ibabagak anggapoy arum no ag say imbaga na saray propita tan si Moises a nagawa,

Ezekiel 45:23

Diad inagew-agew ed loob na pitoran agew na pista, nepeg a mangibagat ed Katawan na pitoran bakan kalakyan tan pitoran karniron kalakyan ya anggapon balut so deral na laman da tan isaklang to ran bagat a popoolan. Mangisaklang met ya inagew-agew na sakey kanding a kalakyan a bagat a para kasalanan.

2 Samuel 6:13

Nen saray totoon angawit na Kaban na Sipanan et akakotdang iray anemira, pinatonda ra nen David, ta angibagat ed Katawan na sakey a bakan kalakyan tan sakey a pinataban kilaw a baka.

1 Samuel 7:12

Insan angalay Samuel na sakey a bato, tan inyan tod ketegan na Mizpa tan Sen, tan inngaran to na Ebenezer, ta inkuanto, “Tinulongan itayo na Katawan.”

Saray Bilang 29:32

Diad kumapiton agew mangibagat kayo na pitoran kilaw a bakan kalakyan, duaran karniron kalakyan, tan labinapat a sakey taon a kordiron kalakyan; nepeg ya anggapoy deral na laman da.