1 Saray Awaran 15:25 - Maung A Balita Biblia

²⁵ Kanyan si David, saray pangulo na Israel, tan saray pangulo na sondalo et malikeliket iran linma ed abung nen Obed-edom, ta alaen da may Kaban na Sipanan.

Maung a Balita Biblia

²⁵ Kanyan si David, saray pangulo na Israel, tan saray pangulo na sondalo et malikeliket iran linma ed abung nen Obed-edom, ta alaen da may Kaban na Sipanan.

1 Saray Awaran 15:25 Referans Kwoze

FILIPOS 4:4

Manliket kayo lawas ed Katawan. Oliten ko: manliket kayo!

FILIPOS 3:3

Ta aliwan sikara, no ag ingen sikatayo so angawat na tuan segat, ta igagalang tayoy Dios diad panangiwanwan na Ispiritu to, tan manliliket itayod pikakasakey tid Cristo Jesus. Ag tayo panmamatalekan iray nanengneng a totontonen.

Mikias 5:2

Say Katawan kuanto, “Betlehem Efrata, sakey ka ed saray ankekelag a baley na Juda, balet sika so panlapwan na sakey a manoley ed Israel, a say sengeg na pamilya to et natonton ed saray inmona-ona ran panaon.”

Esdras 6:16

Insan saray Israelita saray papari, saray Levita, tan amin da ray totoon pinmawil a manlapud inkibantaken dan bansa—malikeliket dan insaklang ed Dios imay Timplo.

1 Saray Arari 8:1

Insan impaawit nen Ari Solomon a mankakasakey ed Jerusalem iray amin a pangulo na saray tribu tan saray boleg na Israel, ta iyakar dad Timplo so Kaban na Sipanan na Katawan manlapud Sion, say siudad nen David.

1 Samuel 22:7

kanyan kuantod saray opisyal to, “Dengel kayo, totoo na Benjamin! Say abaloan yo sirin ya itdan kayo nen David na saray alog tan kaubasan, tan gawaen to kayon opisyal na saray sondalo!

1 Samuel 10:19

Sikatoy Dios yo, say angyagel ed sikayod amin a gunigon tan kairapan yo, balet natan impolisay yo ak tan kinmerew kayo na sakey ya ari. Sigi sirin, mantitipon kayod arap na Katawan, onung ed tribu tan onung ed boleg.’”

1 Samuel 8:12

Pagmaliwen to ray arum ed sikara a pangulo na tunggal libon sondalo, tan saray arum pangulo na tonggal limamplon sondalo. Pambakaen tod alog to iray anak yo, pananien to ra, tan panggawaen to ra na armas tan kagawaan na saray karwahi to.

Deuteronomio 16:15

Pagalangan yo so Katawan a Dios yo diad panamegley na pansilibra yon pitoy agew diad samay pasen diad sakey a pasen a panangigalangan. Manliket kayo, ta binindisionan na Katawan so panagani yo tan say kimey yo.

Deuteronomio 16:11

Manliket kayo ed arap na Katawan a pati saray anak yo, saray aripen yo, tan saray Levita, saray sangkaili, saray olila, tan saray balon bibii a manaayam ed saray baley yo. Gawa yo yad samay pasen a panangigalangan.

Deuteronomio 12:18

Sikayo tan saray anak yo, a pati saray aripen yo tan saray Levitan manayam ed saray baley yo, et kanen yo ra yan bagat dia labat ed arap na Katawan a Dios yo, diad saksakey a pasen a panangigalangan a pilien na Katawan a Dios yo. Panliketan yod man iray saray ginagawa yo.

Deuteronomio 12:7

Dimad saman a pasen, diad arap na Katawan a Dios yo ya amindision ed sikayo, sikayo tan saray kabyangay pamilya yo et kanen tan panliketan yo ray maabig a bengatlan nansasagputan yo.

Deuteronomio 1:15

Kanyan inalak iray pinili yon pangulod saray tribu yo a lalakin makabat tan walaan na saray salsalid bilay, insan ko ra impasen a makaoley ed sikayo. Pigarad sikara so makaoley ed tunggal libon totoo, tunggal lasus, tunggal limamplo, tan tunggal pulo. Anoro ak met na saray arum ya opisyal ed amin da ray tribu.

Saray Bilang 31:14

Akapasnuk si Moises ed saray opisyal, saray pangulo na tunggal libo tan tunggal lasus a sondalo a pinmawil ira kayari ran akibakal.

2 Saray Awaran 1:4

Diad saman a panaon balet, walad Jerusalem so Kaban na Sipanan; nisinup ed dalem na tuldan impaalagey nen Ari David nen inyakar ton manlapud Kiryat-jearim imay kaban.)

2 Saray Awaran 5:2

Insan impaawit nen Ari Solomon iray amin a pangulo na saray tribu tan saray boleg na Israel a mankakasakey irad Jerusalem, ta iyakar dad Timplo so Kaban na Sipanan na Katawan manlapud Sion, say Siudad nen David.