1 Saray Awaran 15:16 - Maung A Balita Biblia

¹⁶ Ingganggan nen David iray pangulo na saray Levita a manoro ra na saray nandoroman Levita a mankanta tan mantogtog na maliket iran togtog ed saray arpa tan piangpiang.

Maung a Balita Biblia

¹⁶ Ingganggan nen David iray pangulo na saray Levita a manoro ra na saray nandoroman Levita a mankanta tan mantogtog na maliket iran togtog ed saray arpa tan piangpiang.

1 Saray Awaran 15:16 Referans Kwoze

1 Saray Awaran 13:8

Si David balet tan saray amin a totood Israel nansasayaw ira ed anggaay nayarian da a pangigalang ed Dios. Nankakanta ra tan nantotogtog ira na saray arpa, tambul, piangpiang, tan trumpita.

Nehemias 12:36

Sikatoy tomtombuken na arum iran kabyangay boleg to a di Semaya, Azarel, Milalai, Gilalai, Maai, Natanael, Juda, tan Hanani. Amin da et nanaawit ira na saray panagtogtog na musika a singa saray nantotogtogan nen Ari David a too na Dios. Si Esdras ya iskriba so angipangulo ed sayan grupo diad impankurang da.

1 Saray Awaran 23:5

Impasen to ray apat a libo a mangguardia, tan say apat a libo et impasen to ran mangigalang ed Dios diad pangikana ray kagawaan ed musika ya inter ton para sayan pamaakaran.

1 Saray Awaran 16:42

Di Heman tan Jedutun met so makaoley ed saray trumpita, piangpiang, tan saray arum a kagawaan na musika a togtogen ira no kantaen iray imnon panangidayew. Saray kabyangay boleg nen Jedutun so makaoley ed panagguardiad saray puirta.

Tito 1:5

Intilak ta kad Creta a mangoksuy ed saray bengatlan nepeg nin oksuyen, tan mamili na saray mamatakken na iglisia ed balang baley. Tandaan moy bilin ko:

2 Timoteo 2:2

Saray salitan nadngel mod siak diad arap na amayamay a tasi so ibangat mod saray totoon napanmatalkan tan nayarian day mangibangat met ed arum.

Saray Gawgawa 14:23

Diad balang iglisian nila ra, nampili ray mamatakken ya onsalat ed sikara a mangasikaso. Kasumpal dan mampikasi tan manayuno, ipia da rad Katawan ya anisiaan da.

Jeremias 33:11

iray eyag na liket tan gayaga, tan say tanul na sayaksak ed saray bansal. Narengel yo ray totoon mankanta legan dan mangibabagat ed Timplok na pisasalamat; ikuanda, ‘Misalamat kayod Katawan a Makapanyarin-amin, ta sikato et maung, tan ag mangangga so panangaro to.’ Paaligwasen ko yan dalin a singa samay kipapasen to nen saman. Siak, say Katawan, so nansalita.”

Isaias 49:23

Magmaliw a singa ama yo iray arari; magmaliw a singa ina yo iray riyna. Ondakmomo rad sikayo tan igalang da kayo; mapaabeba ran mangigalang ed sikayo. Naamtaan yod satan a siak so Katawan; ag nabaingan so siopaman a toon manalagar na tulong ko.”

Saray Salmo 149:3

Idayew yoy ngaran to diad panamegley na sayaw; togtog yo ray tambul tan saray arpa diad pangidayew yod sikato.

Saray Salmo 100:1

Kantaan yo so Katawan, amin yon pinalsa ed intiron mundo!

Saray Salmo 95:1

Dago kayo, ta idayew tayoy Katawan! Lapud liket mankanta tayo ed Dios a mangyaagel ed sikatayo!

Saray Salmo 87:7

Onsasayaw tan ikakanta ra, “Diad Sion so panlalapwan na amin a bindision tayo.”

Saray Salmo 81:1

Iyeyag yoy gayaga ed Dios a manangyagel tayo; ikanta yoy dayew yo ed Dios nen Jacob!

Nehemias 12:46

Manlapud panaon nen Ari David tan si Asaf saray tumutogtog tan saray kumakanta so angipangulo ed saray kantan pangidayew tan pangiter na pisasalamat ed Dios.

Nehemias 12:43

Amayamay a bagat so insasaklang dad saman ya agew, tan mapalaloy gayaga na saray totoo lapud ontan lay impamaliket na Dios ed sikara. Akipista met iray bibii tan saray ogogaw. Narengel ed arawdawi so kasil na bosis dan amin.

2 Saray Awaran 30:12

Tinenyeg met na Dios so kapusoan da ray totood Juda tan impankakasakey to rad pilalek dan mangonur na linawa to diad panumpal dad saray ganggan na ari tan saray opisyal to.

1 Saray Awaran 15:12

Inkuantod sikara, “Sikayo ray pangulo na saray boleg na Levita. Linisan yo onung ed ganggan so sikayon dili tan saray kapara yon Levita, pian nayarian yon awiten so Kaban na Sipanan na Katawan a Dios na Israel ed pasen ya imparaan kon panginan.

Exodo 15:20

Say biin agi nen Aaron, a si propita Miriam, inala toy tamborin to, tinombuk na amin a bibii, nantotogtog iray tamborin tan nansasayaw-sayaw ira.

2 Saray Awaran 7:6

Nanalagey iray papari ed angipasenan ed sikara tan nanalagey met iray Levita a sankaarap da ra. Saray Levita indadayew day Katawan diad impantotogtog dad saray kagawaan na musika ya inter nen Ari David tan kinakanta ra may imno, “Andi-anggaan so Panangaro to!” onung na ingganggan nen David ed sikara. Pinaknul na saramay papari iray trumpita tan nanalagey iray totoo.

Nehemias 12:27

Nen nisaklang ed Dios so padir na siudad na Jerusalem, atawag a mantitipon ed Jerusalem iray Levitan manaayam ed inerman a pasen. Agaway onya pian makapibiang irad pista na panangisaklang tan diad pankanta na pisasalamat tan pantogtog na saray piangpiang tan saray arpa.

Saray Salmo 150:5

Idayew yo diad pamaknul yod saray piangpiang. Idayew yo diad pamaknul yod saray maknul a piangpiang.

Amos 6:5

Labalabay yoy manggawa na saray kanta a singa ginawa nen David, tan totogtogen yo ra ed saray arpa.

1 Saray Awaran 6:16

Taloray lalakin anak nen Levi: di Gerson, Coat, tan Merari.

1 Saray Awaran 16:5

Si Asaf so atoron pangulo tan si Zacarias so onkumadwad sikato. Saray manogtog na saray arpa et di Jeiel, Semiramot, Jehiel, Matatias, Eliab, Benaya, Obed-edom, tan Jeiel. Si Asaf so mampaknul na piangpiang,

2 Saray Awaran 20:19

Saray Levitan kabyangay boleg di Coat tan Cori et nanalagey ira tan makmaksil dan indayew so Katawan a Dios na Israel.

Saray Salmo 81:3

Sibuk yoy trumpita a pangipakabat na pista, no balo so bulan tan no tulaw.