1 Saray Awaran 15:14 - Maung A Balita Biblia

¹⁴ Nilinisan sirin na saray papari tan saray Levita so sikaran dili, ta iyalis day Kaban na Sipanan na Katawan a Dios na Israel.

Maung a Balita Biblia

¹⁴ Nilinisan sirin na saray papari tan saray Levita so sikaran dili, ta iyalis day Kaban na Sipanan na Katawan a Dios na Israel.

1 Saray Awaran 15:14 Referans Kwoze

2 Saray Awaran 29:34

Bangta daiset iray papari tan ag da nayarian a pateyen ya amin ira may ayayep, tinulongan ira na saray Levita ya anggad impakapansumpal na kimey tan impakapanlinis da ray arum a papari onung ed ganggan. (Mapeleng ni ray Levita a manlinis na sikaran dili onung ed ganggan nen saray papari.)

2 Saray Awaran 29:15

Tinipon da ray kapara ran Levita, tan nilinisan day sikaran dili onung ed ganggan. Insan onung na ingganggan na ari ginapwan dan nilinisan so Timplo onung ed Ganggan na Katawan.

Levitico 10:3

Insan inkuanen Moises ed kinen Aaron, “Sikato yay sasalitaen na Katawan nen inkuanto, ‘Amin da ray manlingkur ed siak nepeg a pagalangan day inkasantok; ipatnag kod saray totook so kagalangan ko!’” Balet ag inmesel si Aaron.

1 Saray Awaran 15:12

Inkuantod sikara, “Sikayo ray pangulo na saray boleg na Levita. Linisan yo onung ed ganggan so sikayon dili tan saray kapara yon Levita, pian nayarian yon awiten so Kaban na Sipanan na Katawan a Dios na Israel ed pasen ya imparaan kon panginan.

1 Saray Awaran 15:15

Sinakbat na saray Levita ed saray tiken imay Kaban na Sipanan, onung na ingganggan na Katawan diad panamegley nen Moises.

2 Saray Awaran 5:11

Amin a paparin wadman, anggan anton grupoy kawalaan da, insaklang day sikaran dili. Amin da ray Levitan tumutogtog tan kumakanta a di Asaf, Heman, tan Jedutun tan saray kabyangay boleg da et akasolung iray linen a kawes. Nanalagey iray Levita ed abay na altar diad nibokig a dapag. Sankaawit da ray piangpiang tan saray arpa; tan kaiba da ray sanlasus tan duamplon papari a mamapaknul na trumpita. Saray kumakanta indayew day Katawan tan babansagan iray trumpita, saray piangpiang tan arum ni ran kagawaay musika. Kinanta ra: “Igalang yoy Katawan ta sikato et maung, Tan mansiansia ed ando lan ando so panangaro ton ag mangoman.” Legan a tataynan na saray papari so Timplo, biglan apano na lorem na Kagalangay Katawan, kanyan ag da la nituloy so pangigagalang da.

Nehemias 12:30

Sinumpal na saray papari tan saray Levita so panaglinis onung ed ganggan para sikara, saray totoo, saray puirta, tan say padir na siudad.