1 Saray Awaran 15:12 - Maung A Balita Biblia

¹² Inkuantod sikara, “Sikayo ray pangulo na saray boleg na Levita. Linisan yo onung ed ganggan so sikayon dili tan saray kapara yon Levita, pian nayarian yon awiten so Kaban na Sipanan na Katawan a Dios na Israel ed pasen ya imparaan kon panginan.

Maung a Balita Biblia

¹² Inkuantod sikara, Sikayo ray pangulo na saray boleg na Levita. Linisan yo onung ed ganggan so sikayon dili tan saray kapara yon Levita, pian nayarian yon awiten so Kaban na Sipanan na Katawan a Dios na Israel ed pasen ya imparaan kon panginan.

1 Saray Awaran 15:12 Referans Kwoze

2 Saray Awaran 35:6

Sikayo ray mamatey ed saray kordiro tan saray kanding a para Paskua. Linisan yo lay sikayon dili onung ed ganggan tan iparaan yo ray bagat, pian saray kapara yon Israelita et onuren da ray bilin ya inter na Katawan ed panamegley nen Moises.”

2 Saray Awaran 30:15

Diad kumalabinapat ya agew na bulan pinatey da ray kordiro a para bagat ed Paskua. Nababaingan iray papari tan saray Levita ya aliwan malinis onung ed ganggan kanyan insaklang day sikaran dili. Nayarian da la natan sirin so mangisaklang na bagat a popoolan ed Timplo.

1 Saray Awaran 15:14

Nilinisan sirin na saray papari tan saray Levita so sikaran dili, ta iyalis day Kaban na Sipanan na Katawan a Dios na Israel.

Juan 17:17

Pasantos mo ra komun diad panamegley na katwaan. Katwaan so salitam.

Ezekiel 48:11

Sayan masanton pasen et para saray papari a say sengeg da et si Zadoc. Matoor iran nanlingkur ed siak tan ag ira akibabali ed saray arum ya Israelita diad impanggagawa ray kaogsan; aliwa ran singa saray kabyangay tribu nen Levi ya akibabali ra.

2 Saray Awaran 5:11

Amin a paparin wadman, anggan anton grupoy kawalaan da, insaklang day sikaran dili. Amin da ray Levitan tumutogtog tan kumakanta a di Asaf, Heman, tan Jedutun tan saray kabyangay boleg da et akasolung iray linen a kawes. Nanalagey iray Levita ed abay na altar diad nibokig a dapag. Sankaawit da ray piangpiang tan saray arpa; tan kaiba da ray sanlasus tan duamplon papari a mamapaknul na trumpita. Saray kumakanta indayew day Katawan tan babansagan iray trumpita, saray piangpiang tan arum ni ran kagawaay musika. Kinanta ra: “Igalang yoy Katawan ta sikato et maung, Tan mansiansia ed ando lan ando so panangaro ton ag mangoman.” Legan a tataynan na saray papari so Timplo, biglan apano na lorem na Kagalangay Katawan, kanyan ag da la nituloy so pangigagalang da.

1 Saray Awaran 24:31

Say pangulo na balang pamilya tan say sakey ed saray yogtan ton lalaki so akipalaranan diad impangamta rad saray kimey da a singa ginagawa met na saray kakanayon dan papari a kabyangay boleg nen Aaron. Saray tasi ed sayan impanpapalaranan da et di Ari David, Sadoc, Ahimelec, tan saray pangulo na saray pamilya da ray papari tan saray pamilya da ray Levita.

1 Saray Awaran 15:3

Kanyan impantitipon nen David ed Jerusalem iray amin a totoo, ta iyakar da may Kaban na Sipanan ed pasen ya imparaan ton panginan.

1 Saray Awaran 15:1

Si David angipaalagey ed Siudad nen David na saray abung a para sikaton dili. Angiparaan met na pasen a para Kaban na Sipanan na Dios tan impaalageyan to na tulda.

1 Saray Awaran 9:34

Pangulo na saray Levitan pamilya iray lalakin abitla, onung ed saray boleg a nanlapwan da. Sikaray pangulon nanaayam ed Jerusalem.

Nehemias 13:22

Ingganggan ko ray Levita a linisan day sikaran dili onung ed ganggan, insan ira onlan mangguardiad saray puirta pian naasikaso ran masanto lawas so Agew na Panagpainawa. Nudnunot mo ak pa, O Dios, lapu met ed saya, tan ag mo ak papaolyan lapud kabaleg na ag mangoman a panangarom.

1 Saray Awaran 16:1

Inyakar da may Kaban na Sipanan ed tuldan imparaan nen David tan inyan dad dalem to. Insan angisaklang irad Dios na saray bagat a popoolan tan saray bagat a para kareenan.

2 Saray Awaran 1:2

Ingganggan ton amin iray opisyal na sanlilibon sondalo tan saray opisyal na sanlalasus, amin da ray opisyal na gobirno, amin da ray pangulo na pamilya, tan saray arum a totoo

2 Saray Awaran 1:4

Diad saman a panaon balet, walad Jerusalem so Kaban na Sipanan; nisinup ed dalem na tuldan impaalagey nen Ari David nen inyakar ton manlapud Kiryat-jearim imay kaban.)

2 Saray Awaran 5:2

Insan impaawit nen Ari Solomon iray amin a pangulo na saray tribu tan saray boleg na Israel a mankakasakey irad Jerusalem, ta iyakar dad Timplo so Kaban na Sipanan na Katawan manlapud Sion, say Siudad nen David.

Isaias 52:11

Ag yo sasaewen a taynan so Babilonia, amin yon umaawit na saray kagawaan na Timplo. Ag yo didiwiten so antokaman a marotak onung ed ganggan; pansiansia yon masanto so sikayon dili tan taynan kayo.