1 Saray Awaran 13:6 - Maung A Balita Biblia

⁶ Si David tan saray totood Israel linma rad siudad na Baala, say Kiryat-jearim a sakop na dalin na Juda, ta alaen day Kaban na Sipanan na Dios a natatawag onung ed ngaray Katawan ya akayurong ed trono diad tagey na saray kirubin.

Maung a Balita Biblia

⁶ Si David tan saray totood Israel linma rad siudad na Baala, say Kiryat-jearim a sakop na dalin na Juda, ta alaen day Kaban na Sipanan na Dios a natatawag onung ed ngaray Katawan ya akayurong ed trono diad tagey na saray kirubin.

1 Saray Awaran 13:6 Referans Kwoze

Josue 15:9

Manlapud man ontalus ed saray Sobul na Neftoa tan diad saray siudad ya asingger ed Palandey na Efron. Manlapud man onlikon mamaarap ed Baala (odino Kiryat-jearim),

2 Saray Arari 19:15

tan nampikasi, “O Katawan a Dios na Israel, manyodyorung kad mapagalang a tronom diad tagey na saray kirubin, bukbukor moy Dios a manooley ed amin a nanarian diad mundo. Pinalsam so tawen tan dalin.

Exodo 25:22

Banaen ta kad man tan diad tagey na sakub, diad nampegleyan na duaran kirubin, iter kod sika ray amin a ganggan kod saray Israelita.

1 Samuel 4:4

Kanyan angibaki ray pigaran totoo ed Silo tan inala ra may Kaban na Sipanan na Katawan a Makapanyarin-amin, a walad trono diad tagey na saray kiruben. Inolup na saray lalakin anak nen Eli, a di Ofni tan Finees, so Kaban na Sipanan.

Josue 15:60

Siudad da met ni ray onggendan: Kiryat-baal (odino Kiryat-jearim) tan Rabba; duara ran siudad, a pati saray baley ed kaliber-liber da.

Isaias 37:16

“O Makapanyarin-amin a Katawan a Dios na Israel, manyodyorung kad tagey da ray kirubin, bukor moy Dios a manooley ed amin a nanarian diad mundo. Pinalsam so tawen tan dalin.

Saray Salmo 99:1

Ari so Katawan, et manggiwgiw iray katoowan. Manyodyorung ed trono tod tagey da ray kirubin, et nayeyegyeg so dalin.

Saray Salmo 80:1

Dengel mo kami pa, O Pumapastol na Israel; talineng mo kami pa, sika a pangulo da ray karnirom. Sika a manyodyorung ed tronom diad tagey da ray kirubin,

1 Saray Arari 8:16

‘Manlapud samay agew ya impangipaway kod Egipto na saray totook ya Israelita, ag ak nampili na anggan anton siudad ed intiron dalin na Israel a pangipaalageyan na timplon pangigalangan ed siak. Balet pinili ta ka, David, a manoley ed saray totook.’”

Saray Bilang 7:89

Nen linmoob ed Tulda si Moises ta mitongtong ed Katawan, nadngel toy Katawan a misasalitad sikato manlapud tagey na sakub na Kaban na Sipanan, diad nanleetan na duaran kirubin.

Saray Bilang 6:27

Insan say Katawan kuanto, “No ibalikas day ngaran ko a pamindision ed saray totood Israel, bindisionan ko ra.”

Exodo 23:21

Dengel kayod sikato tan onur yo. Ag kayo onsusumlang ed sikato, ta ag to pirdonaen iray onsumlang ed sikato. Sikato so imbakik.

Exodo 20:24

Manggawa kayo na dalin ya altar a para siak tan diad tapew to so pambagatan yo na karniro yo tan baka yo a sikaray bagat a popoolan tan bagat a para kareenan. Diad amin a pasen ya ibiig kon pangigalangan yod siak, onla ak ed sikayo tan bindisionan ta kayo.

Josue 9:17

Kanyan saray totood Israel ginapwan day pinmaway et kayariy taloy agew, akasabi ra ed saray siudad a panaayaman na saray totoo: Gabaon, Kafira, Beerot, tan Kiryat-jearim.

1 Samuel 6:21

Angibaki rad saray taga siudad na Kiryat-jearim na pigaran totoo tan impaibaga ra, “Impawil la na saray Filisteo so Kaban na Sipanan na Katawan. Gali dia ta ala yo.”