1 Saray Awaran 12:8 - Maung A Balita Biblia

⁸ Saya so kangaranan da ray bantug tan maung a sondalo a kabyangan iray tribu nen Gad ya akikasakey irad saray sondalo nen David nen sikatoy walad tirinsira ed kalawakan. Marunong iran mangikanay samper tan pika, masebeg a singa lion so nengneng na lupa ra, tan matalabit iran singa ulsad palandey.

Maung a Balita Biblia

⁸ Saya so kangaranan da ray bantug tan maung a sondalo a kabyangan iray tribu nen Gad ya akikasakey irad saray sondalo nen David nen sikatoy walad tirinsira ed kalawakan. Marunong iran mangikanay samper tan pika, masebeg a singa lion so nengneng na lupa ra, tan matalabit iran singa ulsad palandey.

1 Saray Awaran 12:8 Referans Kwoze

2 Samuel 2:18

Akibakal iray taloran lalakin anak nen Sarvia a di Joab, Abisai, tan Asael. Si Asael, a mabatik a singa ulsad katakelan,

2 Samuel 23:20

Say lakin anak nen Joiada a si Benaya a taga Cabseel et sakey met nin bantug a sondalo; wala ray ginagawa ton makapakebiew. Pinatey toy duaran matalonggaring a bumabakal a taga Moab. Aminsan ya agew ya ambetebetel, linma ed dalem na ongib tan pinatey toy sakey a lion.

2 Samuel 17:10

Diad satan anggan saray sankasebegan a totoo, ya anggapoy takot da a singa saray lion, et ontakot ira, ta amta na amin a totood Israel a matalonggaring a sondalo si amam tan maung a mibakal iray totoo to.

Jeremias 46:9

Dagdag yo lan onla iray kabayo, tan pakurang yo la ray karwahi! Ibaki yo la ray sondalo: saray lalakin sankaawit da ray samper a taga Sudan tan Libia, saray marunong a pumapanan taga Lidia.’”

Kanta nen Solomon 8:14

O Inarok, gala diad siak, ganatan mon singa korso, singa kalakyan a kilaw na ulsa ed kapalandeyan a tutuboan na tanaman a gagawaen a pabalingit.

Probirbio 28:1

Ombabatik iray totoon maoges anggaman ya anggapoy onoosil ed sikara, balet saray totoon maptek so panagbilay da masebeg ira a singa lion.

Probirbio 6:5

Paway kad patit a singa manok odino singa sakey ya ulsan ibabatikan toy umaanup.

2 Saray Awaran 25:5

Tinogyup nen Amasias iray amin a lalaki ed saray tribu di Juda tan Benjamin tan impagmaliw to ran pigaran grupoy sondalo onung na nanlalapwan dan boleg. Angipasen na saray opisyal ed saray sanlilibo tan saray sanlalasus a totoo. Talon lasus libo ran amin a sondalo, tan duamplo a mampaatagey so taon da. Pinili ra yan sondalo, akaparaan iran mibakal, tan marunong iran mangikanay pika tan samper.

1 Saray Awaran 12:16

Aminsan linmad tirinsiran kawalaan nen David so sakey ya olup na lalakin kabyangan iray tribu di Benjamin tan Juda.

1 Saray Awaran 11:22

Say lakin anak nen Joiada a si Benaya a taga Cabseel et sakey a bantug a sondalo; wala ray ginagawa ton makapakebyew. Pinatey toy duaran matalonggaring a bumabakal a taga Moab. Aminsan ya agew ya ambetebetel, linma ed dalem na ongib tan pinatey toy sakey a lion.

1 Saray Awaran 11:16

Diad saman a panaon walad pokdul a tirinsira si David tan sakey ya olup na saray Filisteo so linmoob ya anakop ed Betlehem.

2 Samuel 1:23

“Saul tan Jonatan, pinabli tan inararo; sankaibad bilay, sankaibad patey. Maples ira nen saray agila, mabiskeg ira nen saray lion.

1 Samuel 24:22

Insipan ya nen David. Insan la sinmempet si Saul, tan pinmawil ed panaamutan to si David tan saray totoo to.

1 Samuel 23:29

Tinmaynan diman si David tan linmad lugar na Engadi, tan dimay nanamutan to.

1 Samuel 23:14

Nanaamut ed nipokdul a dalin si David diad kalawakan ya asingger ed Zif. Ag tinondaan nen Saul ya anapen, balet ag ipalima na Dios ed sikato.

1 Saray Awaran 12:9

Manlapud onona ya anggad kumalabinsakey a pangulo, sikara ya: Eser, Obadias, Eliab, Mismana, Jeremias, Atai, Eliel, Johanan, Elzabad, Jeremias, tan Macbanai.