1 Saray Awaran 12:40 - Maung A Balita Biblia

⁴⁰ Manlapud saray ararawin pasen a singa kawalaan da ray tribu di Isacar, Zabulon, tan Neftali, saray totoo et sinmabi ran kaiba da ray asno, kamilyo, mula, tan baka a sankaawit da ray arina, igos, pasas, alak, tan larak na oliba. Nanaawit met ira na saray baka tan saray karniron pateyen tan siraen. Amin da ra ya et angipatnag na liket na intiron bansa.

Maung a Balita Biblia

⁴⁰ Manlapud saray ararawin pasen a singa kawalaan da ray tribu di Isacar, Zabulon, tan Neftali, saray totoo et sinmabi ran kaiba da ray asno, kamilyo, mula, tan baka a sankaawit da ray arina, igos, pasas, alak, tan larak na oliba. Nanaawit met ira na saray baka tan saray karniron pateyen tan siraen. Amin da ra ya et angipatnag na liket na intiron bansa.

1 Saray Awaran 12:40 Referans Kwoze

1 Samuel 25:18

Nangganat ya angalay Abigail na duan lasus a tinapay; duaran pananginan a katat a napnoy alak, limaran litson a karniro, limaran salup ya insanglil a trigo, sanlasus a monggol na ubas, duan lasus a kanen ya impamagan bungay igos, tan inyan to rad beneg na saray asno.

2 Samuel 16:1

Nen akalabas na daiset si David ed toktok na pokdul, inabet nen Siba ya aripen nen Mefiboset, a wala ray kaiba ton duaran asno a napnoy beneg da na duan lasus a tinapay, sanlasus a monggol na pasas, sanlasus a monggol na kapamborbor a prutas, tan sakey a supot a katat a napnoy alak.

Probirbio 29:2

Ipanengneng mod siak so matonung a manoley, et ipanengneng kod sika iray totoon maliket. Ipanengneng mod siak so maoges a manoley, et ipanengneng kod sika iray totoon pangaskasiyay kipapasen da.

Probirbio 11:10

Maliket so siudad no saray totoon matonung et maaligwas ira, tan no ompatey iray totoon maoges wala ray eyag na liket.

2 Saray Arari 11:20

Akaliket ya amin iray totoo, tan dinmeen so siudad, natan ta apatey lad palasio si Atalia.

1 Saray Arari 1:40

Insan da tinombuk ed impawil to a maneeyag irad liket tan mantotogtog ira na saray plauta; diad kasil na ingal da, ayegyeg so dalin.

1 Saray Awaran 12:39

Taloy agew irad Hebron a kaiba ray David, nanliliket iran nanaakan tan naniinom na saray imparaan da ray kabansaan da.

1 Saray Awaran 13:1

Si David angipanonan to ray amin a pangulo na tunggal libon tan tunggal lasus a sondalo.

Oseas 3:1

Say Katawan kuantod siak, “Laka lamet, ta arom iman a biin mikakalugoran ed sakey a laki. Nepeg mon aroen a singa panangarok ni ed saray totood Israel, anggaman a sinmingger irad arum a diriyos tan labalabay day mangyapay na saray bagat a pasas ed saray talintaoy diriyos.”

1 Saray Awaran 29:22

Kanyan diad saman ya agew malikeliket ira legan dan nanaakan tan naniinom diad arap na Katawan. Imbawag dan manari si Solomon; kumadwa la yan impangibawag da. Diad ngaran na Katawan nilanaan da a manoley ed sikara tan nilanaan da met a mampari si Sadoc.