1 Saray Awaran 12:39 - Maung A Balita Biblia

³⁹ Taloy agew irad Hebron a kaiba ray David, nanliliket iran nanaakan tan naniinom na saray imparaan da ray kabansaan da.

Maung a Balita Biblia

³⁹ Taloy agew irad Hebron a kaiba ray David, nanliliket iran nanaakan tan naniinom na saray imparaan da ray kabansaan da.

1 Saray Awaran 12:39 Referans Kwoze

2 Samuel 19:42

Inmebat iray taga Juda, “Ginawa mi man, ta kanayon mi so ari. Akin sirin et pampetangan yoy olo? Ag to binayaran so kinan mi tan ag to kami initdan na antokaman.”

2 Samuel 6:19

tan binunogan to ran amin na kakanen. Initdan toy balang sakey a laki tan balang sakey a bii ed Israel na sakey a tinapay, sakey a tegteg ya inkalut a karni, tan pigaran pasas. Insan sinmempet lay balang sakey.

Genesis 31:54

Amatey na sakey ya ayep tan imbagat tod man ed palandey, insan to inimbitaan a mangan iray totoo to. Kasumpal dan angan, pinalabas day labi diad saman a palandey.

Genesis 26:30

Imparaanan ira nen Isaac na ponsia; angan tan inminom ira.

1 Saray Awaran 12:38

Amin da ra yan sondalo ya akaparaan a mibakal, linma rad Hebron ta tinibokel dad kanunotan da a gawaen si David a manarid intiron Israel. Akikasakey met ed sayan getma iray arum nin totood Israel.

1 Saray Awaran 12:40

Manlapud saray ararawin pasen a singa kawalaan da ray tribu di Isacar, Zabulon, tan Neftali, saray totoo et sinmabi ran kaiba da ray asno, kamilyo, mula, tan baka a sankaawit da ray arina, igos, pasas, alak, tan larak na oliba. Nanaawit met ira na saray baka tan saray karniron pateyen tan siraen. Amin da ra ya et angipatnag na liket na intiron bansa.

Genesis 49:10

Bembenan toy baston na ari. Manoley lawas iray kabyangay boleg to. Maniter ed sikato iray bansa na buis da Tan ondakmomo ran ontoluk ed sikato.

1 Saray Awaran 11:10

Saya so listaan na saray bantug a sondalo nen David. Diad tulong da tan amin da ray arum a totood Israel nagmaliw ya ari si David, onung na insipan na Katawan. Impansiansia ran mabiskeg so nanarian to.