1 Saray Awaran 12:20 - Maung A Balita Biblia

²⁰ Saray sondalon kabyangay tribu nen Manases ya akigampi rad kinen David nen ompapawil ed Siclag et saraya: Adna, Jezabad, Jediael, Micael, Jozabad, Eliu, tan Zilletai. Diad Manases pangulo na sanlibon sondalo so balang sakey ed sikara.

Maung a Balita Biblia

²⁰ Saray sondalon kabyangay tribu nen Manases ya akigampi rad kinen David nen ompapawil ed Siclag et saraya: Adna, Jezabad, Jediael, Micael, Jozabad, Eliu, tan Zilletai. Diad Manases pangulo na sanlibon sondalo so balang sakey ed sikara.

1 Saray Awaran 12:20 Referans Kwoze

1 Samuel 29:11

Kanyan kaimbuas, si David tan saray totoo to, asaksakbay iran pinmikal ya ompawil ed Filistia, balet saray Filisteo linma rad Jezreel.

Deuteronomio 33:17

Singa biskeg na bakan kalakyan so biskeg nen Jose, Singa saray saklur na bakad katakelan iray saklur to. Saray saklur to et singa pigan libon saklur nen Manases Tan samplon libon saklur nen Efraim. Pambono to rad saray bansa Tan pandesdes tod saraya ya anggad saray sokusokung na mundo.”

Deuteronomio 1:15

Kanyan inalak iray pinili yon pangulod saray tribu yo a lalakin makabat tan walaan na saray salsalid bilay, insan ko ra impasen a makaoley ed sikayo. Pigarad sikara so makaoley ed tunggal libon totoo, tunggal lasus, tunggal limamplo, tan tunggal pulo. Anoro ak met na saray arum ya opisyal ed amin da ray tribu.

Exodo 18:21

Balet nepeg a mamili ka met na pigaran lalaki a sarag day mangipangulo, tan ipasen mo ran pangulo na saray totoo; pangulo na tunggal libon totoo, tunggal lasus, tunggal limamplo, tan tunggal pulo. Nepeg a totoo ran walay takot ed Dios, napampiaan ira tan ag da labay so mangawat na pasoksok.

1 Samuel 29:3

Anengneng ira na saray pangulo da ray sondalo na Filistia tan tinepet da, “Antoy gagawaen da ra tay Hebreo dia?” Inmebat si Akis, “Si David itan, sakey ya opisyal nen Ari Saul na Israel. Abayag lan kaiba to ak. Anggapo niy nalmok a nankasalananan to nanlapu lad insabi tod siak.”

1 Saray Awaran 8:20

Elienai, Zilletai, Eliel,

1 Saray Awaran 12:19

Wala ray pigaran sondalon kabyangay tribu nen Manases ya akigampi rad kinen David nen linman mibakal a kaiba to ray Filisteo ed kinen Ari Saul. Diad tuay tua si David ag to tinulongan iray Filisteo, ta pinapawil na saray pangulo ra lapud mapaga ra ompan mantraidor tan migampid Saul a gendat a pangulo to.

1 Saray Awaran 12:21

Diad impanlingkur dad kinen David opisyal ira na saray sondalo to, lapud matalona ra. Insan diad arapen a panaon nagmaliw iran opisyal na saray sondalo na Israel.

1 Samuel 29:4

Balet ampetang so olo da ra may pangulo na saray sondalo na Filistia ed kinen Akis tan kuandad sikato, “Papawil mo tan a too ed baley ya inter mod sikato. Ag mo pipilaen ed sikatayon mibakal, ta ag la pigan sikatayo la laingen so labanan to no peles na bakal. Anto ta niy lalon maabig a polaing ed pamapawil toy maung a linawa na katawan to nen say pamatey tod saray totoo tayo?