1 Saray Awaran 12:18 - Maung A Balita Biblia

¹⁸ Linmoob so Ispiritu na Dios ed sakey ed sikara, si Amasai, a diad arapen a panaon et nagmaliw a pangulo na “Saray Talomplo,” tan inkuanen Amasai, “Kayaryan tan kagampi mo kami, David ya anak nen Jesse! Aligwas so nagamuran mo tan saray ontulong ed sika! Ta say Dios so katambayan mo.” Maliket si David ya angawat ed sikara tan ginagawa to ran opisyal na saray sondalo to.

Maung a Balita Biblia

¹⁸ Linmoob so Ispiritu na Dios ed sakey ed sikara, si Amasai, a diad arapen a panaon et nagmaliw a pangulo na Saray Talomplo, tan inkuanen Amasai, Kayaryan tan kagampi mo kami, David ya anak nen Jesse! Aligwas so nagamuran mo tan saray ontulong ed sika! Ta say Dios so katambayan mo. Maliket si David ya angawat ed sikara tan ginagawa to ran opisyal na saray sondalo to.

1 Saray Awaran 12:18 Referans Kwoze

Saray Huis 6:34

Inoleyan na ispiritu na Katawan si Gedeon, et pinaknul toy trumpita a panawag ton ontombuk ed sikato iray lalakin kabyangay boleg nen Abiezer.

Saray Huis 3:10

Linmoob ed sikato so ispiritu na Katawan, tan nagmaliw a pangulo da ray Israelita. Akibakal si Otniel, et impanalo na Katawan ed ari na Mesopotamia.

2 Samuel 17:25

Si Absalom insalat toy Amasa ed pasen nen Joab a pangulo na saray sondalo. Si Amasa lakin anak nen Itra ya Ismaelita; say ina to si Abigail ya anak nen Nahas tan agi na ina nen Joab a si Sarvia.)

Ruth 1:16

Inmebat si Ruth, “Ag yo komun ipapasoot a taynan ta kayo! Iyabuloy yon mila ak ed sikayo. No iner so laen yo, dimay laen ko; no iner so panayaman yo, dimay panayaman ko. Saray kakanayon yo magmaliw a kakanayon ko, tan say Dios yo magmaliw a Dios ko.

TAGA GALACIA 6:16

Diad amin a mambibilay onung ed sayan totontonen, tan pati amin a totooy Dios—nawalaan ira komuy kareenan tan panangasiy Dios!

Mateo 12:30

“Siopamay ag ontombuk ed siak, onlaban lamlamang ed siak. Siopamay ag mangibad siak a mansinup, mambuyak lamlamang.

Isaias 59:17

Isolung ton singa kawes a mital ed pagew to so inkatonung, tan singa hilmit so pakayarin mangilaban. Kawesan toy sikaton dili na ontan lan pampilalek a mametek ed saray pikewet tan say panusa tan pamales ed saray maoges a paniirapan na saray totoo.

1 Saray Awaran 2:17

Si Abigail ya anak nen Jesse inasawa nen Jeter a kabyangay boleg nen Ismael, tan walay anak dan laki a manngaray Amasa.

2 Saray Arari 10:5

Angipawit na sulat a para Jehu iray opisyal a makaoley ed palasio tan saray opisyal a makaoley ed siudad, pati saray manonan ombaley tan saray managasikasod saray kabyangay boleg nen Acab. Onyay tanul na sulat da: “Aripen mo kami, tan sipaparaan kamin manggawa na antokaman a labay mo. Balet ag mi gawaen ya ari so siopaman; gawam so isisipen mon sankaabigan.”

2 Saray Arari 9:32

Tinmangay si Jehu, insan inmeyag, “Siopay migampid siak?” Duara o taloran opisyal so inmosdung ed bintana,

1 Saray Arari 9:22

Si Solomon anggapoy Israelitan ginawa ton aripen, no ag ingen impanlingkur to ran sondalo, opisyal, pangulo na saray sondalo, kapitan na saray kumakarwahi, tan kumakabayo.

Zacarias 8:23

Diad saratan ya agew saray samploran sangkaili onla rad sakey a Judio tan ikuanda, ‘Mikasakey kamid sika, lapud nadngelan min walad sika so Dios.’”

2 Samuel 19:13

Binilin met ira nen David ya ikuandad kinen Amasa, “Kanayon ta ka. Manlapud natan, salatan moy Joab a pangulo na saray sondalo. Pateyen ak komun na Dios no ag ko ya gawaen!”

2 Samuel 15:21

Balet inmebat si Itai, “Kagalang kon Ari, sambaan kod sika diad ngaran na mabilay a Katawan, a mila ak lawas ed sika anggan iner so laen mo, patey may pansumpalan tayo.”

2 Samuel 5:2

Nen saman, anggan nen ari mi ni si Saul, impangulom ed bakal iray totood Israel, tan insipan ed sika na Katawan ya iwanwan mo ray totoo to tan oleyan mo ra.”

1 Samuel 22:7

kanyan kuantod saray opisyal to, “Dengel kayo, totoo na Benjamin! Say abaloan yo sirin ya itdan kayo nen David na saray alog tan kaubasan, tan gawaen to kayon opisyal na saray sondalo!

1 Samuel 8:12

Pagmaliwen to ray arum ed sikara a pangulo na tunggal libon sondalo, tan saray arum pangulo na tonggal limamplon sondalo. Pambakaen tod alog to iray anak yo, pananien to ra, tan panggawaen to ra na armas tan kagawaan na saray karwahi to.

Saray Huis 13:25

Ginapwan na ispiritu na Katawan a pabiskegen si Samson legan a walad nanleetan na Zora tan Estaol diad Kampo nen Dan.

1 Samuel 16:4

Ginawa nen Samuel so imbaga na Katawan a gawaen to. Linmad Betlehem, a diman inabet na saray manggiwgiw a panguloy siudad tan tinepet da, “Mangiter kasiy kareenan yan imbisitam, managparles?”

1 Saray Awaran 11:11

Say onona si Jasobeam a kabyangay boleg nen Hacmon, tan sikatoy pangulo na “Saray Talora.” Inkana toy pika diad impilaban tod talon lasus a lalaki tan apatey to ran amin legan na sakey a bakal.

1 Saray Awaran 12:17

Inabet ira nen David tan kuanto, “No linma kayo dian kakaaro ya ontulong ed siak, maliket ta kayon awaten. Balet no nunot yon itapat ak ed saray kalaban to, anggaman ya anggapoy maoges a ginawak ed sikayo, naamtaan na Dios na saray lalaki tayo so gawaen yo et dusaen to kayo.”

1 Samuel 16:5

“On,” ebat to. “Linma ak dian mangibagat ed Katawan. Linisan yoy sikayon dili tan mila kayod siak.” Impanpalinis to ra di Jesse tan saray anak ton lalaki, tan inimbitaan to rad bagat.

1 Samuel 24:12

Sintinsiaan ita komun na Katawan, no siopad sikatay manggagaway maoges! Dusaen ka komun na Katawan lapud gagawaen mod siak, ta no siak ag ta ka pasakitan.

1 Samuel 24:13

Onung na inkuay sakey a daan a balikas, ‘Saray maoges a totoo labat so manggaway kaogsan.’ Kanyan ag ta ka pasakitan.

1 Samuel 24:16

Kayari nen David a nansalita, inkuanen Saul, “Sikan talaga anak kon David?” Ginapwan toy onakis,

2 Saray Arari 10:15

Intuloy nen Jehu so panaakar to, tan diad dalan nabet nen Jonadab a lakin anak nen Recab. Imbano nen Jehu tan kuanto, “Sika tan siak et namparay kanunotan ta. Antoy kuanmo, tulongan mo ak?” “On, tulongan ta ka,” ebat nen Jonadab. “Iderew mod siak sirin so limam,” ebat nen Jehu. Nambenbenan iray lima, insan tinulongan nen Jehu ed inlogan tod karwahi,