1 Saray Awaran 11:5 - Maung A Balita Biblia

⁵ Imbaga na saray Jebuseo ed kinen David ya ag balut makaloob ed Jerusalem, balet adakep nen David so tirinsira ed Sion, kanyan atawag na “Siudad nen David.”

Maung a Balita Biblia

⁵ Imbaga na saray Jebuseo ed kinen David ya ag balut makaloob ed Jerusalem, balet adakep nen David so tirinsira ed Sion, kanyan atawag na Siudad nen David.

1 Saray Awaran 11:5 Referans Kwoze

Puyan 14:1

Ninmengneng ak, tan wadman imay Kordiro ya akaalagey ed Palandey na Sion a kaiba to ra may sanlasus tan apataplo tan apat a libon totoo. Nisulat ed muling da so ngaran na Kordiro tan say ngaran na Ama to.

Saray Hebreo 12:22

Balet say sininggeran yo say Palandey na Sion tan say siudad na Dios a mabilay, say mangatatawen a Jerusalem, a kawalaay libo-libo ran anghil.

Saray Taga Roma 9:33

onung na ibabagay Masanton Sulat, “Nengneng yo, mangyan ak ed Sion na baton pakapateran, sakey a baleg a baton pakapatakbaan. Balet siopamay manisiad sikato ag nabaingan.”

Saray Salmo 132:13

Pinili na Katawan so Sion; labay ton dimay panayaman to:

Saray Salmo 122:5

Dimay kawalaan da ray trono, a nansisintinsiaan na saray ararid Israel.

Saray Salmo 87:5

Nipaakar ed Sion, nibaga a sakop ton amin iray bansa, tan pabiskegen na Makapanyarin-amin.

Saray Salmo 87:2

inaro to niy siudad na Jerusalem nen say dinan man a pasen ed Israel.

Saray Salmo 78:68

Ingen pinili toy tribu nen Juda tan say Palandey na Sion ya inararo to.

Saray Salmo 48:2

Atagey tan marakep so Sion a palandey na Dios; say siudad na matalonggaring ya ari so mangiiter na gayaga ed intiron mundo.

Saray Salmo 9:11

Kantaan yoy pangidayew so Katawan a manaayam ed Sion! Ibawag yod saray bansa iray gawgawa to!

Saray Salmo 2:6

“Pinayorung kon manoley so arik diad tapew na masanton palandey ko a Sion,” kuanto.

2 Saray Awaran 5:2

Insan impaawit nen Ari Solomon iray amin a pangulo na saray tribu tan saray boleg na Israel a mankakasakey irad Jerusalem, ta iyakar dad Timplo so Kaban na Sipanan na Katawan manlapud Sion, say Siudad nen David.

1 Saray Awaran 11:7

Atawag na “Siudad nen David” so tirinsira, ta diman nanayam si David.

1 Saray Arari 8:1

Insan impaawit nen Ari Solomon a mankakasakey ed Jerusalem iray amin a pangulo na saray tribu tan saray boleg na Israel, ta iyakar dad Timplo so Kaban na Sipanan na Katawan manlapud Sion, say siudad nen David.

2 Samuel 6:12

Nadngelan nen Ari David a lapud Kaban na Sipanan, binindisionan na Katawan so pamilya nen Obed-edom tan amin a kayaryan to. Kanyan inala toy Kaban na Sipanan ed abung nen Obed-edom, ta iyakar ton malikeliket ed Jerusalem.

2 Samuel 6:10

Kanyan ag to la labay ya awiten ed Jerusalem; ingen, inmiwas ed dalan tan intilak to lad abung nen Obed-edom a taga siudad na Gat.

2 Samuel 5:9

Kayarin adakep so tirinsira, nanayaman nen David tan inngaran to na “Siudad nen David.” Impaalagey toy siudad ed kaliber-liber na tirinsira; inggapo tod pasen a tinabonan diad bokig na pokdul.

1 Samuel 17:36

Akapatey ak la na saray lion tan saray uso, tan pateyen ko met iman a Filisteo a manasagyat a milaban iray sondalo na mabilay a Dios.

1 Samuel 17:26

Tinepet nen David ed saray totoon asingger ed sikato, “Antoy nagamuran na toon makapatey ed sayan Filisteo tan makapangipaliis ed kababaingan na Israel? Ta siopa ta yan paganon Filisteo et sagyaten ton milaban iray sondalo na mabilay a Dios?”

Saray Huis 19:10

Balet ag la labay na samay Levita so mansanlabid man, kanyan nampikal ya onsempet la a pati samay biin kaamung to. Walay duaran asno ra a walay silya na beneg da. Ngarngarem la nen asingger la rad Jebus (say Jerusalem), kanyan samay aripen kuantod kinen amo to, “Ontonda tayo, ta dia lad sayan siudad na saray Jebuseo so pamalabasan tayoy labi.”

1 Saray Awaran 11:4

Si Ari David tan saray Israelita dinogpaan day Jerusalem. Say ngaran ni nen saman na Jerusalem et Jebus, tan manaayam nid man iray Jebuseo, saray inmona-onan totoo a nanayam ed saman a dalin.

1 Saray Awaran 11:6

Inkuanen David, “Magmaliw a pangulo na saray sondalo so siopaman a makaonan makapatey na Jebuseo.” Impangulo nen Joab a lakin anak nen Sarvia so indogpa ra tan nagmaliw a pangulo na saray sondalo.