1 Saray Awaran 11:23 - Maung A Balita Biblia

²³ Pinatey to met so sakey ya Egipsion baleg so laman to; masoluk a duaran mitroy kaatagey to, tan nanarmas na balbaleg a pika. Pinekpek to na baston, sinamsam toy pika to tan sikatoy impamatey to.

Maung a Balita Biblia

²³ Pinatey to met so sakey ya Egipsion baleg so laman to; masoluk a duaran mitroy kaatagey to, tan nanarmas na balbaleg a pika. Pinekpek to na baston, sinamsam toy pika to tan sikatoy impamatey to.

1 Saray Awaran 11:23 Referans Kwoze

1 Samuel 17:7

Say potan na gayang to et singa ngalngalowan so kabaleg to tan say tarem ton balatyang et mambelat na anemiran kilo. Walay sakey a sondalon manaakar ed onaan to a manaawit na samper to.

1 Saray Awaran 20:5

Walay sakey nin bakal da ray Israelita tan saray Filisteo. Diad sayan bakal pinatey nen Elhanan a lakin anak nen Jair Lahmi a lakin agi nen Goliat a taga Gat, a say potan na pika to et singa kabaleg na panagpotipotay tinebey ed panaglagaay abel.

1 Samuel 17:51

Binatik to, nanalagey ed abay to, inoyus toy ispada nen Goliat, tan pinatey to, insan to pinotutay olo. Nen anengneng na saray Filisteo ya inatey so palbayani ra, kibatiktik ira.

1 Samuel 17:4

Walay sakey a lakin manngaray Goliat a taga siudad na Gat, pinmaway ed kampo da ray Filisteo tan sinagyat ton milaban iray Israelita. Taloran mitro so kaatagey to,

Deuteronomio 3:11

Si Ari Og so kaonuran ed saray totoon Refaim. Say longun ton bato et ngalngali duaran mitro so benlag to tan limaran mitro so onduy to, onung ed panagsukat na karaklan. Nanengneng ni man a longun ed Raba a siudad da ray Ammonita.)

1 Saray Awaran 11:24

Saraya so ginagawa nen Benaya a sakey ed “Saray Talomplo.”