1 Saray Awaran 11:1 - Maung A Balita Biblia

¹ Amin a totood Israel linma rad kinen David diad Hebron tan kuandad sikato, “Kadalaan tan kalamanan mo kami.

Maung a Balita Biblia

¹ Amin a totood Israel linma rad kinen David diad Hebron tan kuandad sikato, Kadalaan tan kalamanan mo kami.

1 Saray Awaran 11:1 Referans Kwoze

1 Saray Arari 2:11

Nanari na apataplon taon, pitoy taon ed Hebron tan talomplo tan taloy taon ed Jerusalem.

2 Samuel 15:10

Balet angibakid amin a tribu ed Israel tan impaikuanto, “No narengel yoy trumpita, iyeyag yo, ‘Nagmaliw ya ari ed Hebron si Absalom!’”

Saray Huis 9:2

a tepeten dad saray totood Sikem, “Antoy labay yo? Say panoley ed sikayo na saray pitomplon lalakin anak nen Gedeon odino say panoley na sakey labat a too? Nepeg yon nunoten a kadalaan yoy Abimelec.”

Deuteronomio 17:15

Nepeg a say pilien a manari et say toon pinili na Katawan a Dios yo. Nakaukolan a sikatoy sakey ed saray totoo yo; ag yo pagmamaliwen ya ari yo so sangkaili.

Genesis 29:14

inkuanen Laban, “On, andi-duaruwa a sikay dilin laman tan pokel ko.” Nanayam dimay Jacob na sakey bulan.

TAGA-EFESO 5:30

ta kabyangan itayo na laman nen Cristo.

Saray Bilang 13:22

Linma ran inmona ed abalaten na samay dalin tan akasabi ra ed Hebron a panaayaman na saray boleg di Ahiman, Sesai, tan Talmai, a kabyangan ira na poli na alan a tatawagen na Anakim. (Say Hebron et niletneg lan pitoy taon kasakbayan na inkiletneg na Zoan ed Egipto.)

2 Samuel 2:1

Kayari to ya, tinepet nen David ed Katawan, “Onla ak a manakop ed sakey ed saray baley na Juda?” “On,” ebat na Katawan. “Dinan ey?” tepet nen David. “Say Hebron,” kuay Katawan.