1 Saray Arari 9:8 - Maung A Balita Biblia

⁸ Bontun na saray deral-deral so pagmaliwan na sayan Timplo, tan nabiglaan tan nikelawan so siopaman ya ondalan. Tepetan da, ‘Akin et ginawa na Katawan so onya ed sayan dalin tan diad sayan Timplo?’

Maung a Balita Biblia

⁸ Bontun na saray deral-deral so pagmaliwan na sayan Timplo, tan nabiglaan tan nikelawan so siopaman ya ondalan. Tepetan da, Akin et ginawa na Katawan so onya ed sayan dalin tan diad sayan Timplo?

1 Saray Arari 9:8 Referans Kwoze

2 Saray Awaran 7:21

“Sayan Timplo et daydayewen a tuloy natan, balet nikelawan iray amin ya ondalan dia tan tepeten da, ‘Akin et ginawa na Katawan so onya ed sayan dalin tan diad sayan Timplo?’

Jeremias 22:28

Inkuanko, “Nagmaliw ta lan singa nabtag a banga si Joakin, nibantak tan anggapo lay malabay? Sikato tan so makasengeg no akin et sikato tan saray anak to et nibantak irad dalin ya ag dan balut amta?

Jeremias 19:8

Iyakar kod sayan siudad so onyan makapasinagem a deral pian balang sakey ya ondalan et natalagnaw tan nikelawan.

Daniel 9:12

Ginawam so imbagam a gawaen mod sikami tan saray manoley mi. Ag miparad arum a siudad ed tapew na dalin so impanusam ed Jerusalem,

Jeremias 50:13

Diad pasnuk ko anggapoy manayam ed Babilonia, ta magmaliw ya aderal-deral a siudad, tan natalagnaw tan nikelawan ya amin iray ondalan.

Jeremias 49:17

Say Katawan inkuanto, “Makapasinagem so nagawa ed Edom, kanyan nikelawan tan nataktakot ed agawa so siopaman a makadalan.

Isaias 64:11

tan aderal na apoy so Timplo mi, say masanto tan marakep a pasen ya angidayewan ed sika nen saman na saray lalaki mi. Aderal-deral ya amin iray pasen ya inararo mi nen saman.

Deuteronomio 28:37

Diad saray bansan pangitayakan ed sikayo na Katawan, saray totood man et nikelawan ira ed agawad sikayo; ludlureyen tan balbalawen da kayo.

2 Saray Arari 25:9

Pinoolan toy Timplo, say palasio, tan say kaabungan na amin da ray totoon atagey so kipapasen ed Jerusalem,

2 Saray Awaran 36:19

Pinoolan toy Timplo tan say siudad, pati saray palasio to tan saray kayamanan to, insan inggeba to ray padir na siudad.

Jeremias 5:19

No tepeten da no akin et ginawak ira yan amin a bengatla, ibagam ed sikara, Jeremias, a no kaonungay impangikaindan dad Katawan tan impanlingkur dad saray diriyos da ray arum a bansa, ontan met so panlingkur dad saray totoo na bansa ya ag da dalin.”

Jeremias 16:10

“No ibagam ed saray totoo ira yan bengatla, tepeten dad sika no akin et ginetmak lan dusaen ira a mapalalo. Tepeten da no antoy kaogsan da tan no antoy kasalanan da ed Katawan a Dios da.

Jeremias 18:16

Ginawa ran makapataktakot yan dalin, a nabalaw ya anggad angga. Nataktakot ya amin iray ondalan, lapud saray nanengneng da; ipeyeng-peyeng day olo rad pankelaw da.

Jeremias 25:9

‘Tawagen kon amin iray totood baybay tan say aripen kon Ari Nabucodonosor na Babilonia. Pibakalen ko ra sumpad sayan bansa tan amin a manaayam dia tan amin a kaliber-liber ton bansa. Deralen ko ya anggad angga yan bansa tan saray kaabay to, paolyan ko ran aderal-deral ya anggad angga, makapataktakot tan makapasinagem iran nengnengen.

Jeremias 44:8

Akin et pampapasnuken yo ak diad pangigagalang yod saray talintaoy diriyos tan diad pangibabagat yod saray arum a diriyos diad Egipto a nila yon panaayaman? Gagawaen yo ya a paneral ed sikayon dili, pian ludlureyen kayo na amin iray bansa diad tapew na dalin tan ikana ray ngaran yo a sakey a samba?

Jeremias 52:13

Pinoolan toy Timplo, say palasio, tan saray kaabungan na amin a manonan totoo ed Jerusalem;

Deuteronomio 29:23

Saray kaalogan et magmaliw iran andi-kakanaan, atabunan na asumpri tan asin; ag nataneman na anggan dinan a tanaman, tan anggapoy anggan dika ya ontobo. Say dalin yo et magmaliw a singa saray siudad na Sodoma tan Gomorra, singa Adma tan Zeboiim a dinederal ira na Katawan nen mapalaloy pasnuk to.

2 Saray Arari 22:17

Impolisay da ak tan nambabagat irad saray arum a diriyos, kanyan impanpasnuk da ak lapud amin a ginagawa ra. Pinmetang so olok ed Jerusalem, tan ag ombetel.

2 Saray Awaran 29:8

Lapud saya akapasnuk so Katawan ed Juda tan Jerusalem, et nikelawan tan ataktakot so balang sakey lapud ginawa tod sikara. Malinlinew so pakaamta yod sayan inkagawa.

Saray Tagleey 2:15

Saray totoon ondadalan ed siudad et ngirngiriyetan da ka lapud pambabalaw dad sika. Mameyeng-peyeng ira tan elek-elekan day inkaderal na Jerusalem: “Sikato ya may marakerakep a siudad? Sikato yay ikikinon na sankamundoan?”