1 Saray Arari 8:61 - Maung A Balita Biblia

⁶¹ Sikayo ran totoo to, matoor kayo komun lawas ed Katawan a Dios tayo, maonur ed saray ganggan tan saray bilin to, a singa gagawaen yo la natan.”

Maung a Balita Biblia

⁶¹ Sikayo ran totoo to, matoor kayo komun lawas ed Katawan a Dios tayo, maonur ed saray ganggan tan saray bilin to, a singa gagawaen yo la natan.

1 Saray Arari 8:61 Referans Kwoze

1 Saray Arari 11:4

et masiken la nen naayat dan mangigalang ed saray diriyos na arum a bansa. Ag to naaligay ama ton David a matoor ed Katawan a Dios to.

2 Saray Arari 20:3

“Nunot mo pa, Katawan, a matoor tan masimoon so impanlingkur kod sika, tan sinumpal ko lawas iray labay mon pagawad siak.” Insan inggapo toy nanakis na ampaipait.

2 CORINTO 7:1

Nisipan ira yan amin ed sikatayo, inararon agagi. Linisan tayo sirin so laman tan ispiritu tayo ed amin a makarotak. Pampelengan ti siriy magmaliw a nagnap ed kinasanto, diad panamegley na pambilay a walay panamagalang tayo ed Dios.

1 Saray Arari 15:14

Nansiansian matoor ed Katawan si Asa legan na impanbilay to, anggan ag to dineral ya amin iray paganon pasen a panangigalangan.

Say Libro nen Job 1:8

Tinepet na Katawan, “Naimanom si aripen kon Job? Anggapoy miparad sikato. Anggapoy pakabalawan ed sikato, matonung, walay takot tod siak, tan aarawian toy kaogsan.”

1 Saray Awaran 28:9

Insan inkuantod kinen Solomon, “Anak ko, nia so bilin kod sika: birbir moy Dios nen amam tan panlingkuran mod intiron pusom tan mabolbolus a linawa. Amta to ray amin a kanunotan tan saray pilalek tayo. No ondago kad sikato, awaten to ka; balet no ibeneg mo, ando lan andon ikaindan to ka.

1 Saray Arari 15:3

Ginawa to ray kasalanan a ginagawa nen ama to tan aliwan sigput a matoor ed Katawan a Dios to; ag to naaligan si laki tod dapan a si David.

Deuteronomio 18:13

Ag kayo manggagaway pakabalawan ed sikayo ed arap na Katawan.”

Genesis 17:1

Nen mantaoy siamaplo tan siam si Abram, pinmanengneng ed sikato so Katawan tan inkuanto, “Siak so Dios a Makapanyarin-amin. Toluk kad siak tan gawam lawas so kamaungan.

Saray Salmo 37:37

Imanom so toon maung, asikasom so toon matonung; say toon maarod kareenan et wala ray kabyangay boleg to,

Say Libro nen Job 1:1

Walay sakey a lakin manngaray Job a manaayam ed dalin na Uz. Anggapoy pakabalawan ed sayan too, matonung, walay takot to ed Dios, tan aarawian toy kaogsan.

1 Saray Awaran 29:9

Mabolbolus ya angiiter ed Katawan iray totoo, tan maliket ira lapud dakerakel so niiter da. Malikeliket met si Ari David.

1 Saray Arari 3:3

Inaro nen Solomon so Katawan tan sinumpal to ray bilibilin nen ama ton David, balet nampapatas met na saray amayamay ya ayayep tan imbabagat to rad nandoroman altar.