1 Saray Arari 8:56 - Maung A Balita Biblia

⁵⁶ “Nadayew komun so Katawan ya angiter na kareenan ed saray totoo to, onung na insipan to. Sinumpal ton amin iray maabig ya insipan to diad panamegley na aripen ton si Moises.

Maung a Balita Biblia

⁵⁶ Nadayew komun so Katawan ya angiter na kareenan ed saray totoo to, onung na insipan to. Sinumpal ton amin iray maabig ya insipan to diad panamegley na aripen ton si Moises.

1 Saray Arari 8:56 Referans Kwoze

Lucas 21:33

Naandipat so tawen tan dalin, balet ag balut naandipat iray salitak.”

1 Samuel 3:19

Legan ya ombabaleg si Samuel, walad sikatoy Katawan tan pinapatua to ray amin ya imbabaga nen Samuel.

Deuteronomio 12:10

No nabaliw yo lay Ilog na Jordan, say Katawan pasakop tod sikayo so dalin tan manayam kayod man. Ag to kayo la pasigen-sigen ed amin a kalaban yo, tan manayam kayod man ya arawid kaatapan.

Deuteronomio 3:20

Tulongan yo ray kapara yon Israelita ya anggad nasakop da lay dalin ya iter ed sikara na Katawan diad sagur na Jordan tan anggad napanayam la rad man na Katawan ya anggapo lay manigensigen ed sikara, a singa ginawa to la diad sikayo. Kayari to ya, nayarian yo lay ompawil ed sayan dalin ya impabetang kod sikayo.’

2 Saray Awaran 14:6

Legay impanoley to pinadir to ray siudad na Juda. Pigay taon ya anggapoy bakal, lapud initdan na Katawan si Asa na kareenan.

2 Saray Arari 10:10

Saya so mamaneknek ya ontuan amin iray imbagay Katawan nipaakar ed saray kabyangay boleg nen Acab. Sinumpal na Katawan so insipan to diad panamegley nen propita ton Elias.”

Deuteronomio 12:12

Manliket kayod man ed arap to, pati saray anak yo, saray aripen yo, tan saray Levitan manayam ed saray baley yo; nunot yo a saray Levita et anggapoy dilin dalin da.

Exodo 18:10

tan kuanto, “Nadayew so Katawan ya angyagel ed sikayo ed ari tan diad saray Egipsio. Nadayew so Katawan ya angilaban ed saray totoo to ed impakaaripen.

1 Saray Awaran 16:36

Idayew yoy Katawan a Dios na Israel! Idayew yo natan tan anggad angga! Insan inkuan na amin a totoo, “Amen,” tan indayew day Katawan.

1 Saray Awaran 22:9

Anggaman ontan walay insipan tod siak. Inkuanto, ‘Nawalaan kay anak a laki a diad panoley to walay kareenan, lapud ag la sigensigenen na amin da ray kalaban tod kaliber-liber. Solomon so ingaran ed sikato, lapud legay panoley to itdan koy kareenan so Israel tan iyarawik ed kaatapan.