1 Saray Arari 8:35 - Maung A Balita Biblia

³⁵ “No mankasalanan ed sika ray totoom, et dusaen mo ra diad panamegley na ag mo pangiter na oran, insan ira magbabawi tan onarap irad sayan Timplo diad pampikasi ra,

Maung a Balita Biblia

³⁵ No mankasalanan ed sika ray totoom, et dusaen mo ra diad panamegley na ag mo pangiter na oran, insan ira magbabawi tan onarap irad sayan Timplo diad pampikasi ra,

1 Saray Arari 8:35 Referans Kwoze

1 Saray Arari 8:33

“No atalo na saray kalaban da iray totoom ya Israelita lapud nankasalanan irad sika, insan ira ompawil ed sika tan mampikasi rad sika diad sayan Timplo, ta onkerew iray pirdona,

Deuteronomio 11:17

No onyay gawaen yo, mampasnuk ed sikayo so Katawan. Ag to papelagen so oran, et onkelang so dalin yo tan anggapoy ontubon tanaman. Insan ag mabayag, ompatey kayod man, anggaman a maung iman a dalin ya iter tod sikayo.

Levitico 26:19

Patondaen koy ontan lan inkamapaatagey yo; anggapoy ompelag ya oran, et onmaga so dalin yo tan onawet a singa balatyang.

Puyan 11:6

Walad sikaray pakayarin mangikaput na tawen, pian ag onoran legan dan ipupulong so salitay Dios. Wala met so pakayari rad saray danum; nayarian da a pagmaliwen iran dala. Wala met so pakayari ran mangiter ed dalin na antokaman a salot, kapag labay da.

Lucas 4:25

Balet kuankod sikayo ya amayamay so balon bibii ed Israel nen panaon nen Elias. Diad saman, taloy taon tan kapaldua ya ag inmoran a balut, kanyan walay balbaleg ya eras ed lapag na saman a dalin.

2 Samuel 24:13

linmad sikatoy Gad, sinalita toy impaibaga na Katawan, tan tinepet to, “Dinay pilien mo? Taloy taon ya eras ed dalin mo, odino taloy bulan ya ibatik-batikan mo ray kalaban mo, odino taloy agew a salot ed dalin mo? Kanyan nunot mo tan ibagam ed siak no antoy ebat mo, ta sikatoy ibagak ed Katawan, ya angibakid siak.”

Saray Taga Roma 15:9

tan saray Hintil et igalang day Dios lapud panangasi to. Onung na ibabagay Masanton Sulat, “Kanyan idayew ta kad saray Hintil, tan kantaan ko so ngaran mo.”

Saray Taga Roma 10:9

No ibawag mo diad panamegley na sangim a si Jesus et Katawan tan manisia kad pusom a sikatoy pinaoli na Dios ed bilay, nilaban ka.

Malakias 3:10

Iyakar yod Timplo iray amin a kakaplo yo, pian walay daakan a pantaganod man. Subok yo ak, et nanengneng yon lokasan koy puirtay tawen tan ikalbok ed sikayo so daakan a bindision.

Oseas 14:1

Sikayo ran totood Israel, pawil kayo la ed Katawan a Dios yo. Imparokul tan impelag kayo na kasalanan yo.

Ezekiel 14:13

“Sika a toon ompatey,” kuanto, “no mankasalanan so sakey a bansa tan magmaliw ya aliwan matoor ed siak, dusaen ko tan deralen koy panlalapwan na tagano na saray totoo to. Mangipadalan ak na eras ed satan a bansa tan pateyen ko ray totoo tan saray ayayep to.

Isaias 9:13

Ag nagbabawi ray totood Israel; anggaman a dinusa ra na Katawan a Makapanyarin-amin, ag ira pinmawil ed sikato.

2 Saray Awaran 6:26

“No mankasalanan ed sika iray totoom tan dusaen mo ra diad panamegley na ag mo pangiter na oran, insan ira magbabawi tan onarap irad sayan Timplo diad pampikasi ra,

2 Saray Awaran 6:24

“No atalo na saray kalaban da iray totoom ya Israelita, lapud nankasalanan irad sika, insan ira ompawil ed sika tan mampikasi ra diad sayan Timplo, ta onkerew iray pirdona,

1 Saray Arari 17:1

Inkuanen propita Elias a taga Tisbe na Galaad ed kinen Ari Aca, “Diad ngaran na Katawan a mabilay a Dios na Israel a panlilingkuran ko, ibagak ed sikan anggapoy napelag a linaew o oran ed loob na arapen a duara odino taloy taon ya anggad ag ko pangibagan onoran la.”

Deuteronomio 28:12

Lokasan toy tawen a mayaman a panagsinupan to tan ipelag toy oran no manepeg a panaon tan bindisionan toy amin a kimey yo, pian makapabayes kayod amayamay a bansa, balet ag la nakaukolan a miutang kayo ed anggan dinan a bansa.

Deuteronomio 11:16

Manalwar kayo ta ompan napalingo kayo et ikaindan yoy Katawan tan mangigalang tan manlingkur kayod arum a diriyos.

2 Samuel 24:10

Balet kayariy impakabilang nen David ed saray totood Israel, ag pareenen na konsinsia to, kanyan kuantod Katawan, “Ambelat so kasalanan ko lapud sayan ginawak! Pirdona mo ak pa. Inaambagel so ginawak.”

1 Saray Arari 8:34

dengel ka pad tawen. Pirdonam pa ray kasalanan da tan ipawil mo rad dalin ya inter mod saray lalaki ra.

Say Libro nen Job 12:15

No paeren na Dios so oran namagaan so dalin; no ibolus toy oran onsabiy delap.

Isaias 5:6

Paolyan kon natuboan na saray dika. Ag ko potut-potutay sanga to odino bukalkalen so dalin, no ag ingen paolyan kon kobutan na ambabaing tan arum nin masabit a dika. Iganggan ko ni ingen iray lorem ya ag da terteran na oran.”

Aggeo 1:10

Sikato yay makasengeg ya anggapoy onterter ya oran tan anggapoy ontubon tanaman.

Zacarias 14:17

No walay bansan ag onlan mangigalang ed Katawan a Makapanyarin-amin ya ari, ag ompelag ed dalin da so oran.