1 Saray Arari 8:27 - Maung A Balita Biblia

²⁷ “Balet tua kasin makapanayam ka ed tapew na dalin, O Dios? Ag ka nakarga na anggan say intiron tawen; panon ko sirin a kargaen na sayan Timplon impaalagey ko?

Maung a Balita Biblia

²⁷ Balet tua kasin makapanayam ka ed tapew na dalin, O Dios? Ag ka nakarga na anggan say intiron tawen; panon ko sirin a kargaen na sayan Timplon impaalagey ko?

1 Saray Arari 8:27 Referans Kwoze

Isaias 66:1

Say Katawan kuanto, “Say tawen so tronok tan say dalin so toonan na salik. Anton klasiy abung sirin so ipaalagey yon para siak, anton klasiy pasen so panayaman ko?

2 Saray Awaran 2:6

Balet say katwaan to anggapoy makapangipaalagey na timplon para Dios, lapud ag nakarga na anggan say intiron kabaleg na tawen so Dios mi. Kanyan panon so pakapangipaalagey ko na timplon para sikato? Say nayarian kon ipaalagey labat et say sakey a pasen a pampoolan na insinso ed Dios.

Jeremias 23:24

Anggapoy toon makaamut ed pasen ya ag kod man nanengneng. Ag yo ta amta a kawalaan koy amin a pasen ed tawen tan diad dalin?

2 Saray Awaran 6:18

“Balet talaga kasin makapiayam kad saray totoo diad tapew na dalin, O Dios? Ag ka nakarga na anggan say intiron tawen, kanyan panon kan nakarga na sayan Timplon impaalagey ko?

Deuteronomio 10:14

Kayaryan na Katawan so anggan saray sankatageyan a katawenan; kayaryan to met so mundo, tan amin a logan to.

Saray Salmo 113:4

Ooleyay Katawan iray amin a bansa, atagey nen saray katawenan so kagalangan to.

Juan 1:14

Nagmaliw a too so Salita tan akiayam ed sikatayo. Anengneng miy kagalangan to a napnoy aro tan katwaan. Inawat to yan kagalangan ed Ama, ta sikatoy bogbogtung ya Anak.

1 Juan 3:1

Nengneng yo so ontan lan panangaroy Ama ed sikatayo! Diad kabaleg na panangaro to atawag itayon anak na Dios—tan saya et tua. Ag itayo kabat na sankamundoan, ta say sankamundoan ag to akabat so Dios.

Saray Gawgawa 17:24

Say Dios ya amalsay mundo tan amin a logan to, sikatoy Katawan na tawen tan dalin, kanyan ag manaayam ed saray Timplon ginaway too.

2 CORINTO 12:2

Walay kabat kon sakey a Cristiano a niakar ed kumatlon tawen; labinapat lan taon so apalabas. (Ag ko amta no silalaman odino andi; say Dios so makaamta.)

2 CORINTO 6:16

O antoy piparaan na Timploy Dios ed saray talintaoy diriyos? Ta sikatayoy timplo na mabilay a Dios! Onung na ibabagay dilin Dios, “Miayam tan milimug ak ed sikara; siak so magmaliw a Dios da, tan magmaliw a totook ira.”

Saray Salmo 68:33

say manloglogan ed tawen, say tawen ya abaybayag lan niwala! Dengel kayod eyag ton makapanyari.

Saray Salmo 148:4

Igalang yo, sikayo ran sankatageyan a katawenan, tan sikayo ran danum a walad tagey na tawen.

2 Saray Awaran 2:5

Baleg a timplo so ipapaalagey ko, lapud matalonggaring so Dios nen saray arum a diriyos.