1 Saray Arari 8:21 - Maung A Balita Biblia

²¹ Nanggawa ak met na pasen ed Timplo a pangiliraan na Kaban na Sipanan a nankarga na saray tapyak a bato a tanda na impisipanay Katawan ed saray lalaki tayo nen impaway to ra ed Egipto.”

Maung a Balita Biblia

²¹ Nanggawa ak met na pasen ed Timplo a pangiliraan na Kaban na Sipanan a nankarga na saray tapyak a bato a tanda na impisipanay Katawan ed saray lalaki tayo nen impaway to ra ed Egipto.

1 Saray Arari 8:21 Referans Kwoze

1 Saray Arari 8:9

Anggapoy arum a karga to may Kaban na Sipanan likud labat ed saramay duaran tapyak a bato ya inyan nen Moises diman nen walad Palandey na Sinai, nen akisipanan so Katawan ed saray Israelita nen tataynan day Egipto.

Deuteronomio 31:26

“Ala yo yan libro na Ganggan na Dios tan iyan yod abay na Kaban na Sipanan na Katawan a Dios yo, pian mansiansiad man a sakey a tasin sumpad saray totoo to.

Deuteronomio 9:11

On, kayariy apataploy agew tan labi say Katawan inter tod siak ira may duaran tapyak a baton angitatakan tod samay impisipanan to.

Deuteronomio 9:9

Kinmalab ak ed tagey na palandey ta alaen ko ra may tapyak a baton akaitatakan na impisipanan ed sikayo na Katawan. Nanayam ak diman ya apataploy agew tan labi tan ag ak balut angan o inminom.

Exodo 34:28

Diad loob na apataploy agew tan labi si Moises kaiba tod tagey na palandey so Katawan; ag balut angan, ni inminom. Intatak tod saray tapyak a bato iray salita na sipanan—saray Samploran Ganggan.

1 Saray Awaran 22:19

Nepeg natan a masimoon tan matoor so panlingkur yod Katawan a Dios yo. Igapo yon ipaalagey so Timplo a pamagalang ed Katawan, pian niiyan yod dalem to imay Kaban na Sipanan na Katawan tan saray arum a masanton kagawaan ya ikakanad pangigalang ed sikato.”

Exodo 24:8

Insan inala nen Moises imay dala a walad saray palanggana tan insisibo tod saray totoo. Inkuanto, “Sikato yay dala a mamaelet na impisipanan na Katawan ed sikayo nen inter tod sikayo ra yan amin a ganggan.”