1 Saray Arari 7:50 - Maung A Balita Biblia

⁵⁰ saray kupa, saray panagpotut na pabilo, saray yaung, saray plato a pananginay insinso, tan saray kawalin pananginay ngalab; tan saray bisagra na saray kaput na Sankasantosan a Pasen tan bisagra na saray kaput na saray puirtay Timplo. Balituk ya amin ira yan kagawaan.

Maung a Balita Biblia

⁵⁰ saray kupa, saray panagpotut na pabilo, saray yaung, saray plato a pananginay insinso, tan saray kawalin pananginay ngalab; tan saray bisagra na saray kaput na Sankasantosan a Pasen tan bisagra na saray kaput na saray puirtay Timplo. Balituk ya amin ira yan kagawaan.

1 Saray Arari 7:50 Referans Kwoze

Levitico 16:12

mangala na pananginay insinso a napnoy ngalab a nanlapud altar tan duaran akup a pinon insinso, insan awiten to ra ed loob na Sankasantosan a Pasen.

Exodo 27:3

Manggawa ka na saray palangganan pananginay dapul, tan manggawa ka na saray karyo, saray yaung, saray tinidor, tan saray palangganan pananginay ngalab. Gansa ra yan amin a kagawaan.

Exodo 25:29

Manggawa ka na saray plato, saray kupa, saray ankelag a pasig, tan saray yaung ya ikanad saray bagat ya alak. Amin da ra ya et balituk.

2 Saray Arari 12:13

Anggapo balet ed samay kuarta so inkanan pambayar ed panggawa na saray pilak a kupa, palanggana, trumpita, odino saray katli na pabiloy lamparaan, odino antokaman a kagawaan a pilak o balituk.

2 Saray Arari 25:15

Inawit da ray amin a bengatlan balituk o pilak, pati saray ankekelag ya yaung tan saray palangganan pananginan na ngalab.

Jeremias 52:19

Inala da ray amin a kagawaan a balituk o pilak: saray ankekelag a yaung, saray kawali a pananginay ngalab, saray yaung a pananginay dala na saray bagat, saray pananginay dapul, saray patoonay lamparaan, saray yaung a pananginay insinso, tan saray yaung ya ikakanad panangibung na saray bagat ya alak.

Ezekiel 41:4

Sinukat to may kuarto, et kuadradon labinanem a mitro so kaawang to. Walad labas na samay kuartod pegley so sayan kuarto. Insan inkuan ed siak na samay laki, “Sikato yay Sankasantosan a Pasen.”

Exodo 25:38

Manggawa ka na saray puron balituk a panagpotut na pabilo tan saray delsangan.

Zacarias 14:20

Diad satan a panaon nitatak ed anggan batingting ya arkos na kabayo ira yan salita, “Nisaklang ed Katawan.” Magmaliw a masanto iray bangan lotowan a singa saray yaung ed arap na altar.