1 Saray Arari 5:6 - Maung A Balita Biblia

⁶ Kanyan mangibaki ka pad Libano na saray totoom, ta ibatangan da ak na saray sidro. Tulongan ira na saray totook, et bayaran ko ray totoom no pigaray labay mo. Sikakabat ka met lanti ya ag naparaan na saray totook so dunong na saray totoom ed pambatang na saray kiew a sidro.”

Maung a Balita Biblia

⁶ Kanyan mangibaki ka pad Libano na saray totoom, ta ibatangan da ak na saray sidro. Tulongan ira na saray totook, et bayaran ko ray totoom no pigaray labay mo. Sikakabat ka met lanti ya ag naparaan na saray totook so dunong na saray totoom ed pambatang na saray kiew a sidro.

1 Saray Arari 5:6 Referans Kwoze

2 Saray Awaran 2:8

Amtak a marunong a mambatang na kiew iray totoom, kanyan paiyakaran mo ak pa dia na saray troson sidro, saleng, tan sandalo na Libano. Sipaparaan ak a mangibaki na totook ya ontulong ed sikara

FILIPOS 4:8

Kaonuran ni, agagi, nepeg a pinunot yo ray bengatlan maabig tan nepeg ya itanduro: saray matwa, masimpit, maptek, malinis, makaayayat, tan mapagalang.

TAGA-EFESO 4:7

Balang sakey ed sikatayo naitday nidoma-doman langkap, onung ed sukat na panangaron inter nen Cristo.

Saray Taga Roma 12:17

Ag kayo ombabales na maoges ed toon nanggaway maoges ed sikayo. Gawa yoy antokaman ya ipapasen a maung na amin a totoo.

Saray Salmo 29:5

Say bosis na Katawan popoteren to ray kiew a sidro, anggan saray sidro ed Libano.

Esdras 3:7

Angiiter iray totoo na kuartan ibayar ed saray kantiro tan saray karpintiro; angiiter met ira na saray kakanen, iinomen, tan larak na oliba ya ipapawit dad siudad na Tiro tan Sidon, a sikaray kasalat ira na saray kiew a sidro a manlapud Libano, ya ipaanur irad dayat ya anggad Joppe. Agawa ra yan amin diad impangyabuloy nen Impirador Ciro na Persia.

2 Saray Awaran 2:10

Mangiter ak na pantagano da ray kumikimey mo. Ipaiyakaran ta ka na sanlasus libon sakon ya arina, sanlasus libon sakon sibada, sanlasus tan apat a lasus tan labinduan libon litro ya alak tan apat a lasus tan labinduan libon litro ya larak na oliba.”

1 Saray Arari 6:20

Sayan bandad dalem a kuarto et samploran mitro so karokey to, samploran mitro so kaawang to, tan samploran mitro so kaatagey to; naokupan ya amin na puron balituk. Apalkapan na sidron tabla so altar.

1 Saray Arari 6:16

Agawad beneg na dalem na Timplo so bandad dalem a kuarto a tatawagen na Sankasantosan a Pasen. Diad kumaplon mitro manlapud beneg na Sankasantosan a Pasen kineteg na tablan sidro, manlapud datal ya anggad bubida.

Genesis 10:15

Say pangulowan ya anak nen Canaan et si Sidon, tan say kumadwa si Het.

1 Saray Arari 5:7

Akaliket a maung si Hiram nen naawat toy impaibaga nen Solomon, kanyan inkuanto, “Nagalang natan so Katawan, lapud initdan toy David na sakey ya anak a manari ed saman a matalonggaring a bansa!”

1 Saray Arari 9:27

Angibakiy ari Hiram na pigaran totoo ton walad saray barko to ya angibad saray totoo nen Solomon.

1 Saray Awaran 22:4

Amaolur met ed saray totood Tiro tan Sidon na amayamay a troson sidro.

Zacarias 11:12

Inkuankod sikara, “No maabuloy kayo, iter yod siak so upak. Balet no ag kayo maabuloy, kayaryan yo la.” Kanyan inter day upak a talomplon pilak a kuarta.

Deuteronomio 17:16

Say ari ag nepeg ya amayamay iray kabayo ton para saray sondalo to, tan ag to nepeg ya ibaki ray totoo to a manaliw ed Egipto na saray kabayo, ta imbaga la na Katawan ya ag lan balut ompawil diman iray totoo to.

1 Saray Arari 9:19

saray baley a panagsinupan na saray abasto to, saray baley a kawalaan da ray kabayo tan saray karwahi to, tan saray arum a nilabay ton inpaalagey ed Jerusalem, diad Libano, tan diad saray arum a pasen ed nanarian.

1 Saray Arari 10:26

Si Solomon nantipon na sanlibo tan apat a lasus a karwahi tan labinduan libo a kabayon para bakal. Impanayam tod Jerusalem iray pigara ed saraya, tan impanayam tod nandoroman siudad iray arum.

2 Saray Awaran 1:14

Anipon si Solomon na sanlibo tan apat a lasus a karwahi tan labinduan libon kabayo a para bakal. Inyan to ray arum ed Jerusalem, tan saray arum diad nandoroman siudad.