1 Saray Arari 5:1 - Maung A Balita Biblia

¹ Si Ari Hiram na Tiro et kaaro nen David, kanyan nen nadngelan ton si Solomon so sinmalat ed ama ton David a manari, angibaki na pigaran opisyal to.

Maung a Balita Biblia

¹ Si Ari Hiram na Tiro et kaaro nen David, kanyan nen nadngelan ton si Solomon so sinmalat ed ama ton David a manari, angibaki na pigaran opisyal to.

1 Saray Arari 5:1 Referans Kwoze

1 Saray Awaran 14:1

Si Ari Hiram na Tiro angibaki na totoo to ed kinen David; initdan to na saray troson sidro, tan saray karpintiro tan saray kantiro, ta igawaan day palasio si David.

2 Saray Awaran 2:3

Impaikuanen Solomon ed kinen Ari Hiram na Tiro: “Lakoan mo ak met na tablan sidro a singa samay impangilakom ed amak ya Ari David nen amaalagey na palasio ra.

2 Samuel 5:11

Si Ari Hiram na Tiro angibaki na totoo to ed kinen David; initdan to na saray troson sidro, saray karpintiro tan saray kantiro ta ipaalageyan day sakey a palasio.

1 Saray Arari 5:10

Kanyan initdan nen Hiram si Solomon na amin a troson sidro tan saleng a nakaukolan to,

Amos 1:9

Say Katawan kuanto, “Nankakasalanan iray taga Tiro, kanyan andi-saew a dusaen ko ra. Inyaakar dan adakep ed dalin na Edom iray amin a totood sakey a bansa, tan ag da tinoor so impisipanan dan mikaaro.

Saray Salmo 45:12

Saray totood Tiro iyawitan da ka na saray rigalo; labay na saray mamayaman ya alaey maung a linawam.

1 Saray Arari 5:13

Manlapud intiron Israel, talomplon libon lalaki so impasen nen Ari Solomon a pinasoot iran mankimey,

2 Samuel 8:10

Kanyan imbaki toy lakin anak to a si Joram a mangilugay ed kinen Ari David tan mangitanduro ed sikato lapud impanalo tod kinen Hadadezer, ya amimpigan akalaban nen Toi. Initdan nen Joram si David na saray rigalon ginawad balituk, pilak, tan gansa.

Isaias 23:1

Sikato yay pasakbay ed dalin na Tiro. Managogul kayod ermen, sikayon managbiahid bapor! Aderal lay puirto yod Tiro; aderal-deral la ray kaabungan tan saray puirto to. Diad ipapawil yo manlapud Chipre, narerengelan yo yan balita.

Genesis 15:18

Diad saman ya agew, akisipanan so Dios ed kinen Abram. Inkuanto, “Isipan kon iter ed saray kabyangay boleg mo yan dalin, manlapud ketegan na Egipto ya anggad Ilog na Eufrates,

Exodo 34:24

Kayarik a pagiten iray totood bansan looban yo tan no apaawang ko lay dalin yo, anggapo lad satay toon manakop na bansa yo legan na taloran pista ya abitla.

Saray Bilang 24:7

Nawalaan ira na daakan ya oran Tan isibwag day bokel na tanaman da ed saray ambasa-basan kaalogan. Matalonggaring nen si Agag so manarid sikara, Tan onawang na mapalalo so nanarian to.

Deuteronomio 20:11

No lokasan da ray puirta ta onsuko la ra, magmaliw iran aripen yo tan pasoot yo ran panlingkuren ed sikayo.

1 Samuel 10:27

Balet wala ray pigaran andi-kakanaan a totoo ya inkuanda, “Panon to itayon niyagel yan too?” Binalaw day Saul tan ag da initdan na antokaman.

1 Saray Arari 10:25

Balang sakey a linma inawitan to na rigalo—saray kagawaan a balituk tan pilak, saray kawes, saray armas, saray rikado, saray kabayo, tan saray mula. Tinaon yan nagagawa.

2 Saray Awaran 9:26

Sikatoy sankatalonaan a manoley ed amin da ray arari, manlapud Ilog na Eufrates ya anggad Filistia tan diad ketegan na Egipto.

2 Saray Awaran 17:11

Pigaran Filisteo so angyakar ed kinen Josafat na dakel a pilak tan arum iran rigalo. Pigara met ya Arabe so angyakar ed sikato na piton libo tan piton lasus a karniro tan piton libo tan piton lasus a kanding.

Esdras 4:20

Nanooley diman iray ararin makapanyari tan inooleyan da so intiron luyag na Sagur na Eufrates, tan nanaala rad man na saray buis.

Saray Salmo 72:8

Manlapud dayat ya anggad dayat so sakop na nanarian to, manlapud Ilog na Eufrates ya anggad saray samput na dalin.

Saray Salmo 80:12

Akin et tinebag mo ray padir ed kaliber-liber to? Kanyan natan, amin da ray onlalabas et natakew da ray bunga to;

Ezekiel 19:11

Nagmaliw a mabisbiskeg iray sanga to, tan binmaleg iran sitro na ari. Binmalbaleg tan saray sanga to toktokdulen da ray lorem; anengneng na balang sakey so ontan lan kaatagey tan kinalambut to.

Lucas 7:5

ta inaro toy a bansa tayo. Impaalageyan to itayo niy sakey a sinagoga.”