1 Saray Arari 4:29 - Maung A Balita Biblia

²⁹ Initdan na Dios si Solomon na nidoma-doman kakabatan tan pakatalus, tan say karunongan ya ag natokur.

Maung a Balita Biblia

²⁹ Initdan na Dios si Solomon na nidoma-doman kakabatan tan pakatalus, tan say karunongan ya ag natokur.

1 Saray Arari 4:29 Referans Kwoze

1 Saray Arari 3:12

iter kod sikay kinerew mo. Iter kod sikay kakabatan tan pakatalus a matalonggaring ni nen say nipalabo lad siopaman a toon akaonan nambilay nen say sika odino diad toon mambilay a naonur nen say sika.

Santiago 3:17

Balet say kakabatan a nanlapud Dios et ononaona, malinis. Maaro met ed kareenan, maoyamo, makaaro, mapangasi, makolid panaggaway kaabigan, anggapoy labien to, tan aliwan mansimpisimpitan.

Santiago 1:5

Balet no walad sikayoy kulang na kakabatan, nepeg toy mikerew ed Dios tan naitdan, ta say Dios maliket tan mabonbonluk a mangiiter ed amin a katoowan.

1 Saray Arari 4:20

Singa la karakel na buer ed gilig na dayat so karakel na saray totood Juda tan Israel. Daakan so kakanen tan iinomen da; maliket so panagbilay da.

Santiago 1:17

Nanlapud tawen so balang maung tan nagnap a langkap; nanlapud Ama ya amalsad amin a liwawa. Sikatoy ag mangoman tan ag met panlapway bilonget diad ibeneg to.

Ecclesiastes 2:26

Iiter na Dios so kakabatan, pakatalus, tan liket ed saray mamapaliket ed sikato, balet pankikimeyen, panaanapen, tan pantitiponen to ray makasalanan pian walay niiter ed saray mamapaliket ed sikato. Sakey met yan andi-kakanaan. Singa ka onoosil labat ed dagem.

Probirbio 2:6

Say Katawan so mangiiter na kakabatan; manlalapud sikato so pakaamta tan pakatalus.

Saray Salmo 119:34

Itdan mo ak pay pakatalus pian naonur koy ganggan mo; onuren ko ed intiron pusok.

Isaias 60:5

Nanengneng mo yan nagawa, et nalimbos kay liket; Manlukso-lukso ka lapud liket mo. Niakar ed sika iray kayamanan na saray bansa; Onsabin manlapud biek na dayat iray kayamanan da.

1 Saray Arari 3:28

Nen nadngelan na saray totood Israel yan impanintinsia nen Solomon, mapalaloy panamagalang dad sikato, ta amta ran initdan na Dios na kakabatan a mangiter na katonungan.

Genesis 41:49

Singa karakel na buer ed dayat so atipon to. Diad karakel da, tinondaan to la ran sinukat.

Jeremias 33:22

Parakelen ko ray kabyangay boleg nen aripen kon David tan saray managlingkur kon papari a kabyangay tribu nen Levi. Ag ira nabilang ed satan a singa ag pakabilang ed saray bitewen ed tawen odino saray buer ed gilig na dayat.”

Ecclesiastes 1:16

Inkuankod siak a dili, “Nagmaliw ak a matalonggaring a too; lalon makabat ak nen say siopaman ya akaonan nanoley ed Jerusalem. Amtak no anto so tuan kakabatan tan pakatalus.”

Saray Huis 7:12

Singa olup na dakerakel a dorun iray Madianita, saray Amalecita, tan saray kabyangay tribu ya akapanat ed patar, tan singa karakel na buer ed gilig na dayat iray kamilyo ra.

Habacuc 1:9

“Onsusulong iray sondalo ra a manduksa tan mandakep ira; natatakot so balang too no onsasabi la ra. Singa karakel na buer so karakel na adakep da.

Saray Salmo 119:32

Mapeleng kon onuren iray ganggan mo, ta aruman mo niy pakatalus ko.

Daniel 2:21

Walad lima to so oras tan say panaon; sikatoy mangipapayorung tan mangeekal ed saray arari; sikatoy mangiiter na kakabatan ed saray makabat tan say pakatalus ed saray makatalus.