1 Saray Arari 4:20 - Maung A Balita Biblia

²⁰ Singa la karakel na buer ed gilig na dayat so karakel na saray totood Juda tan Israel. Daakan so kakanen tan iinomen da; maliket so panagbilay da.

Maung a Balita Biblia

²⁰ Singa la karakel na buer ed gilig na dayat so karakel na saray totood Juda tan Israel. Daakan so kakanen tan iinomen da; maliket so panagbilay da.

1 Saray Arari 4:20 Referans Kwoze

1 Saray Arari 3:8

Wadya ak sirin a manoley ed saray totoon pinilim a kayaryan mo; ag ira nabilang lapud dakerakel la ra.

Genesis 22:17

isipan ko ya itdan ta ka ray kabyangay boleg mo a singa karakel na bitewen ed tawen o buer ed gilig na dayat. Taloen na saray kabyangay boleg mo iray kalaban da.

Genesis 32:12

Ag mo pa lilingwanan ya insipan mon ag mo ak paolyan pian maung so pansumpalan ko; insipan mo met ya itdan mo ak na saray kabyangay boleg ko a diad kinarakel da et ag ira nabilang, ta singa kinarakel na buer ed gilig na dayat so bilang da.”

Saray Gawgawa 2:46

Inagew-agew iran nantitipon ed Timplo, nampipisag iray tinapay ed saray abung da, tan nandorongo ran maliket tan mapaabeba so puso ra.

Zacarias 9:15

Say Katawan a Makapanyarin-amin et iyagel to ray totoo to, tan deralen da ray kalaban da. Diad bakal oneyag iran singa abuek a totoo, tan paterteren day dala ray kalaban da; onagos so dala a singa say dala na bagat a walad yaung ya inibung ed altar.

Zacarias 3:10

No onsabiy tan ya agew, balang sakey ed sikayo imbitaan to ray kakaaro to ya ondago tan manliket a walay kareenan tan arawid kaatapan diad pasen ya apaliberan na saray kaubasan tan saray kakiewan yon igos.”

Mikias 4:4

Say balang sakey a too et manayam ed kareenan diad kawalaan da ray kaubasan tan saray kakiewan ton igos, et anggapo lay manaktakot ed sikato. Say Katawan a Makapanyarin-amin so angisipan ed saya.

Isaias 22:13

Balet naneelek tan nanliliket kayo la laingen. Nampapatey kayo na saray karniro tan saray baka a kinakakan yo, tan naniinom kayo na alak. Inkuanyo, “Maung la laingen no mangan tan maninom tayo, ta nabwas ompatey itayo.”

Ecclesiastes 2:24

Say sankaabigan a gawaen na sakey a too et say pangan, iyinom, tan say panliket tod saray nansagputan to. Balet abirbir ko met ya anggan saya et nanlapud Dios.

Probirbio 14:28

Say inkatalonggaring na sakey ya ari nileletneg ed karakel na totoon ooleyan to; no anggapo ra anggapo met la.

Say Libro nen Job 1:18

Mansasalita ni nen sinmabi so sakey nin aripen tan kuanto, “Manliliket a mamangan tan maniinoman iray anak mo ed abung na sankapangulowanan ya agi ran laki,

1 Saray Awaran 12:39

Taloy agew irad Hebron a kaiba ray David, nanliliket iran nanaakan tan naniinom na saray imparaan da ray kabansaan da.

1 Samuel 30:16

Inibaan to sirin si David a mananap ed sikara. Akaykayat ed nandoroman pasen iray dinmogpa tan malikeliket iran manaakan tan maniinom, lapud karakel na asamsam dad dalin na Filistia tan Juda.

Genesis 15:5

Say Katawan pinapaway to tan inkuanto, “Nengneng moy tawen tan salim a bilangen iray bitewen; ontan naani so karakel na saray kabyangay boleg mo.”

Genesis 13:16

Diad karakel na iter kod sikan kabyangay boleg mo, no bilangen mo ra singa ka mambibilang na dabuk.

1 Saray Arari 4:29

Initdan na Dios si Solomon na nidoma-doman kakabatan tan pakatalus, tan say karunongan ya ag natokur.

2 Saray Arari 18:31

Ag yo dedengeley Ezekias. Igaganggan na impirador na Asiria a paway kayod siudad tan suko ki la. Naabuloyan kayon mangan na ubas ed dilin kaubasan yo, mangan na igos ed dilin kaigosan yo, tan oninom na danum ed dilin bobun yo—

1 Saray Awaran 22:9

Anggaman ontan walay insipan tod siak. Inkuanto, ‘Nawalaan kay anak a laki a diad panoley to walay kareenan, lapud ag la sigensigenen na amin da ray kalaban tod kaliber-liber. Solomon so ingaran ed sikato, lapud legay panoley to itdan koy kareenan so Israel tan iyarawik ed kaatapan.

1 Saray Arari 5:9

Saray totook iyakseb dad dayat iray troson manlapud Libano, insan pabalkot kon singa saray lamo, pian nipaanor da ra ya anggad labay mon pasen. Okbaren diman na saray totook, insan makaoley la rad satan iray totoom. Sika la komun balet so makaoley a mangiter na tagano da ray totook.”