1 Saray Arari 4:13 - Maung A Balita Biblia

¹³ Ben-geber: say siudad na Ramot-galaad, tan saray bario na Galaad a sakop na boleg nen Jair a lakin kabyangay boleg nen Manases, tan say dalin na Argob diad Basan, anemaplon ankakabaleg a baley ya amin, apaliberan iray padir tan gansa iray balewet na puirta ra

Maung a Balita Biblia

¹³ Ben-geber: say siudad na Ramot- galaad, tan saray bario na Galaad a sakop na boleg nen Jair a lakin kabyangay boleg nen Manases, tan say dalin na Argob diad Basan, anemaplon ankakabaleg a baley ya amin, apaliberan iray padir tan gansa iray balewet na puirta ra

1 Saray Arari 4:13 Referans Kwoze

Deuteronomio 3:4

Dinakep tayo met iray amin a baley to—anggapoy baley to ya ag tayo inala. Anemaplon amin so baley ya adakep tayo—say intiron dalin na Argob, a dimay nanoleyan nen Ari Og na Basan.

Saray Bilang 32:41

Si Jair a kabyangan na tribu nen Manases et dinogpaan tan adakep to ray pigaran bario, insan to nginaranan ira na “Saray Bario nen Jair.”

1 Saray Arari 22:3

Tinepet nen Acab ed saray opisyal to, “Amta yo a kayaryan tayoy Ramot-Galaad. Akin balet et ag tayo babawien ed ari na Siria?”

Saray Salmo 68:15

Agaylay pakapanyariy palandey na Basan, sakey a palandey ya amayamay so toktok to!

Saray Salmo 22:12

Amayamay iray kalaban a singa ra bakan kalakyan ya onlalakub ed siak; wala rad kaliber-liber ko a singa ra saray masebeg a bakan kalakyan a nanlapud dalin na Basan.

2 Saray Arari 9:14

Siniliban a nilabanan nen Jehu si Ari Joram. Walad Jezreel so ari, ta dimay nila ton pampapaabigan ed saray asugat ed sikato nen akilad bakal ed Ramot-galaad sumpad Ari Hazael na Siria. Kanyan inkuanen Jehu ed saray kapara ton opisyal, “No tuan kagampi yo ak, ag yo papaolyan so siopaman diad Ramot-galaad ya onlad Jezreel a mamasakbay ed saray totood man.”

2 Saray Arari 9:1

Legan to ya, tinawag nen propita Eliseo so sakey ed saray malangwer a propita tan kuantod sikato, “Mamparaan ka, ta lakad Ramot-galaad. Awit mo yay sakey a garapon a larak na oliba,

Josue 21:38

Manlapud tribu nen Gad naawat da so apatiran siudad: Ramot na Galaad, a pati saray dalin a panagpastolan to (sakey ed saray siudad a salimbengan), Mahanaim,

Josue 20:8

Diad bokig na Jordan, diad niatagey a patar ed kalawakan a walad bokig na Jerico, pinili ray Bezer, diad dalin na Ruben; Ramot na Galaad, diad dalin na Gad; tan Golan na Basan, diad dalin na Manases.

Deuteronomio 4:43

Diad tribu nen Ruben say nibiig a siudad say Bezer a niatagey a patar a kalawakan; diad tribu nen Gad say Ramot a sakop na dalin na Galaad; tan diad tribu nen Manases say Golan a sakop na dalin na Basan.

Deuteronomio 3:8

“Diad saman a panaon inala tayod saraman a duaran Amorreon ari so dalin a nibokig na Ilog na Jordan, manlapud Ilog na Arnon ya anggad Palandey na Hermon. (

Deuteronomio 3:10

Inala tayo ray amin a dalin a sakop nen Ari Og na Basan: saray siudad ed niatagey a patar, saray dalin ed Galaad tan Basan, ya anggad saray baley na Saleca tan Edrei diad bokig.” (

1 Saray Awaran 2:23

Balet adakep na saray nanarian na Gesur tan Aram so anemaplon baley, pati saray ooleyan nen Jair tan Kenat, tan saray kaliber-liber a baley. Kabyangay boleg nen Makir ya ama nen Galaad iray amin a totoon manaayam ed sarayan baley.