1 Saray Arari 22:27 - Maung A Balita Biblia

²⁷ Ibagam ed sikaran ipriso ra tan pakanen da labat na tinapay tan itdan day danum ya anggad isabik ya anggapoy maoges ya agawad siak.”

Maung a Balita Biblia

²⁷ Ibagam ed sikaran ipriso ra tan pakanen da labat na tinapay tan itdan day danum ya anggad isabik ya anggapoy maoges ya agawad siak.

1 Saray Arari 22:27 Referans Kwoze

2 Saray Awaran 16:10

Lapud saya mapalaloy pasnuk nen Asa ed samay propita tan impagolung-golungan to. Diad sayan panaon met, ginapwan nen Asa a pinapairap iray arum a totoo.

Puyan 2:10

Ag mo tatakotan iray kairapan ya asingger mo lan sakbaten. Dengel ka! Diad panubok na Diablo, paipriso toy pigarad sikayo; nairapan kayon samploy agew. Mansiansia kan matoor ed siak ya anggad patey, et iter kod sikay korona na bilay.

TAGA-EFESO 3:1

Lapud saya, siak a si Pablo, say priso nen Cristo Jesus makasengeg ed sikayo ran Hintil, et mampipikasid Dios.

Saray Gawgawa 26:10

Ontan a tua so ginagawak diad Jerusalem. Amayamay iray Cristianon impapaiprisok lapud pakayarin inter ed siak na saray manonan papari; nen sinisintinsiaan da ran ompatey, sakey ak met ed saray inmabuloy.

Saray Gawgawa 5:18

Inerel da ray apostol tan impriso da ra.

Lucas 3:20

Insan pinabelat ni nen Herodes so kasalanan to, ta impaipriso toy Juan.

Jeremias 38:6

Kanyan inala ra ak tan diad panamegley na lobir inlosur da ak ed dalem na bobun a walad patio tan kayaryan nen Prinsipi Malkias. Anggapoy danum to may bobun no ag ingen pitek labat so karga to, kanyan kinmotep ak.

Jeremias 37:15

Mapalaloy pasnuk dad siak; sinisiplatan da ak, insan da ak impokuk ed abung nen Jonatan a sikritarioy ari, a nagmaliw a prisowan so abung to.

Jeremias 29:26

‘Say Katawan ginawa to kan pari a sinmalat ed kinen Joiada tan sika natan so manonan opisyal na Timplo. Kanepegan mon pabalur na golunggolung tan pasolungay kuilyon balatyang so beklew na balang sakey a manluko-lukowan a mampropisiya.

Jeremias 20:2

impapasiplatan to ak insan to ak impaigolunggulong ed abay na Puirta nen Benjamin diad Timplo.

Isaias 30:20

Say Katawan abuloyan to kayon manliknay kairapan, balet wadtan a mangibangat ed sikayo; ag la nakaukolan ya anapen yo.

Saray Salmo 127:2

Anggapoy kana na pamasyay panaanap na pambilay, ya onogip na atrasado tan ombangoy masakbay. Ta iiter na Katawan so nakaukolan da ray aaroen to, legan a naogip ira.

Saray Salmo 102:9

Dapul so pambibilay ko, tan onlalauk so luak ed iinomen ko,

Saray Salmo 80:5

Ermen so inter mon kanen mi, tan ontan lay karakel na luan inter mon inomen mi.

Deuteronomio 16:3

No kanen yo yan panangan, ag kayo mangakan na tinapay a walay libadura. Ta pitoy agew mangan kayo na tinapay ya anggapoy libadura to, a singa samay ginawa yo nen tinaynan yon magangganat so Egipto. Akan yo yan tinapay, say tinapay na kairapan, pian legan na pambilay yo nanunotan yo may agew ya impaway yod Egipto, saman a pasen a nanirapan yo.

Saray Hebreo 11:36

Wala rad sikaray sinisiplatan tan niluludlurey, tan wala ra met ed sikaray binabalur tan impripriso.

1 Saray Arari 22:26

Insan ingganggan nen Acab so sakey ed saray opisyal to, “Singkat moy Micaya, insan mo iyakar ed kinen Amon a gobirnador na siudad, tan kinen Prinsipi Joas.

Jeremias 36:23

No nabasa nen Jehudi so talora odino apatiran karasig, salgeren ya ekalen na ari insan to ibontuk ed apoy. Onyay ginagawa to ya anggad apoolan imay intiron babasaen.

1 Saray Arari 13:4

Nen nadngel ya nen Jeroboam, intoro to may too tan ingganggan to, “Erel yo man a too!” Aparalitikon tampol so taklay na ari, kanyan ag to la napikus.