1 Saray Arari 22:16 - Maung A Balita Biblia

¹⁶ Balet inmebat si Acab, “Mamimpigan ibagak ed sikan say katwaan labat so ibagam ed siak diad ngaray Katawan?”

Maung a Balita Biblia

¹⁶ Balet inmebat si Acab, Mamimpigan ibagak ed sikan say katwaan labat so ibagam ed siak diad ngaray Katawan?

1 Saray Arari 22:16 Referans Kwoze

Saray Gawgawa 19:13

Wala ray pigaran Judion liber-liber a mamapaekal na saray maoges ya ispiritu. Sinali ran bitlaey ngaran na Katawan a Jesus ed saray inaaponay maoges ya ispiritu. Inkuanda, “Diad ngaran nen Jesus ya ipupulong nen Pablo, igaganggan kod sikayon ekal kayo.”

Marcos 5:7

insan to iningaingal, “Jesus, Anak na Sankatageyan a Dios, antoy pibabalim ed siak? Diad ngaray Dios, ipangasim ta ag mo ak papairapen!”

Mateo 26:63

Balet ag inmesel si Jesus. Inkuanto lamet imay Pangulon Pari, “Diad ngaran na Dios a mabilay, pansambaen ta ka: ibagam ed sikami no talagan sikay Cristo ya Anak na Dios.”

2 Saray Awaran 18:15

Balet inmebat si Acab, “Mamimpigan ibagak ed sikan say katwaan labat so ibagam ed siak diad ngaray Katawan?”

1 Samuel 14:24

Diad saman ya agew makapkapoy ed eras iray Israelita, ta walay ganggan nen Saul ed sikara. Sinambaan tod sikara, “Nisamba so toon mangan ed sayan agew, kasakbayan a makabawi ak ed saray kalaban ko.” Kanyan anggapoy angan ya anggan sakey ed sanagew.

Josue 6:26

Diad sayan panaon si Josue impaakseb toy sakey a pasakbay: “Siopamay mamasimbalon mamaalagey ed siudad na Jerico et nagawad sikato yan samba na Katawan, Siopamay mangiletneg na pundasion to nabalang toy sankapangulowanan ya anak ton laki; Siopamay mamaalagey na saray puirta to, nabalang toy sankayogtanan ya anak ton laki.”

1 Saray Arari 22:15

Nen pinmarontal ed arap nen Ari Acab si Micaya, inkuan na ari ed sikato, “Micaya, dogpaan mi nen Ari Josafat so Ramot-galaad odino andi?” Inmebat si Micaya, “Laka yo, ta manalo kayo. Panaloen kayo na Katawan.”

1 Saray Arari 22:17

Inmebat si Micaya “Anengneng kon ataytayak ed saray pokdul iray totood Israel, a singa ra karniron anggapoy pumapastol da. Insan inkuan na Katawan, ‘Anggapoy pangulo da ra yan totoo; pasempet mo la ran walay kareenan.’”

Jeremias 37:17

Insan impaawit ak nen Ari Sedekias, tan maamut ton tinepet ed siak diman ed palasio, “Walay papaibaga na Katawan?” Inmebat ak, “Wala! Nipalima kad ari na Babilonia.”

Jeremias 38:14

Impaawit ak nen Ari Sedekias diad kumatlon lolooban ed Timplo. Inkuantod siak, “Walay tepeten kod sika, et ag ko labay a walay iyamut mod siak.”

Saray Bilang 22:38

Inmebat si Balaam, “Ag ta wadya ak la natan? Balet antoy pakayarin walad siak? Salitaen ko labat natan so paibagad siak na Dios.”

Jeremias 23:28

Say propitan walay kogip to nepeg ton ibaga a sakey labat a kogip, balet say propitan walad sikatoy salitak nepeg a matoor ton ipulong. Antoy piparaan na dayami ed ilik?