1 Saray Arari 21:20 - Maung A Balita Biblia

²⁰ Nen anengneng nen Acab si Elias inkuanto, “Nalmo mo ak lamet, kalaban ko?” “On, nalmo ta ka lamet,” ebat nen Elias. “Sigput so panggagawam na kaogsan ed arap na Katawan.

Maung a Balita Biblia

²⁰ Nen anengneng nen Acab si Elias inkuanto, Nalmo mo ak lamet, kalaban ko? On, nalmo ta ka lamet, ebat nen Elias. Sigput so panggagawam na kaogsan ed arap na Katawan.

1 Saray Arari 21:20 Referans Kwoze

Saray Taga Roma 7:14

Amta tayon maispiritu so Ganggan, balet aliwa ak a maispiritun too, tan naaripen ak na kasalanan.

2 Saray Arari 17:17

Insaklang dan bagat a popoolan ed saray paganon diriyos iray anak dan lalaki tan bibii; angipanonan da ray manangipanon ed saray ispiritu na inatey tan saray managparles, tan sigput dan ginawa ray maoges ed arap na Katawan, kanyan impanpasnuk da.

1 Saray Arari 21:25

Anggapoy manoley a singa si Acab a sigput so impanggawa toy kaogsan ed arap na Katawan—si asawa ton Jezebel so nantatanggoyur ed sikato.

1 Saray Arari 18:17

Nen anengneng nen Acab si Elias, inkuanto, “A, wadya ka manaya, sikan managgunigon ed Israel!”

Puyan 11:10

Manliket ed satan ya amin iray katoowan ed mundo lapud impatey da ra yan dua. Mansilibra ra tan maniiteran iray rigalo, ta sarayan duan propita et ontan lay kairapan ya inter dad katoowan ed tapew na dalin.

Isaias 52:3

Say Katawan a Dios kuantod saray totoo to, “Nen nagmaliw kayon aripen, anggapoy kuartan imbayar; ontan met anggapoy kuartan ibayar diad panondon ed sikayo.

TAGA-EFESO 4:19

Anggapo lan balut so kababaingan da, saray bisio so lanang ya aarapen da, tan anggapoy adya ran manggagaway amin a mabanday iran bengatla.

TAGA GALACIA 4:16

Kabosul yo ak la natan kasi lapud ibabagak ed sikayoy katwaan?

Marcos 12:12

Sinali na saray manonan Judio ya erelen si Jesus lapud atebek dan nipaakar ed sikaray sasalitaen to ed sayan alimbawa. Balet antakot irad saray karaklan, kanyan pinaolyan da la tan tinmaynan la ra.

Amos 5:10

Sikayo ran totoo et kabosul yoy siopaman ya onsusumpa ed kaogsan tan sasalitaen tod korti so intiron katwaan.

Isaias 50:1

Say Katawan kuanto, “Abaloan yo amon pinataynan ko ray totook a singa sakey a lakin angisian na asawa to? Kawalaan sirin na saray kasulatan na impansian? Abaloan yo amon inlako ta kayo ed inkadakep a singa sakey a too ya inlako ton aripen iray anak to? Andi, adakep kayod arawi lapud saray kasalanan yo; apataynan kayod arawi lapud saray kaogsan a ginagawa yo.

2 Saray Awaran 33:6

Insaklang ton bagat a popoolan ed Patar na Hinom iray lalakin anak to. Nambubuyon tan nansasalamangka; nampapanon ed saray managpalar tan saray manangipanon ed saray ispiritu na inaatey. Mapalaloy impankasalanan tod Katawan, kanyan impanpasnuk to.

2 Saray Awaran 18:17

Inkuanen Acab ed kinen Josafat, “Imbagak ed sikan ag balut mampropropisiyay pankaabigan ko; pakaderalan kon amin!”

2 Saray Awaran 18:7

Inmebat si Acab, “Wala niy sananey, si Micaya a lakin anak nen Imla. Balet kabosul ko, ta ag balut mampropropisiya na pankaabigan ko; pakaderalan kon amin.” “Ag mo nepeg ya ibaga tan!” ebat nen Josafat.

2 Saray Arari 21:2

Nanggagawa na kaogsan ed arap na Katawan, ta inalig to ray makapaingungot ya ogali da ray pinapataynan na Katawan legan a mankukurang iray totoo to.

1 Saray Arari 22:8

Inmebat si Acab, “Wala niy sananey, si Micaya a lakin anak nen Imla. Balet kabosul ko, ta ag balut mampropropisiya na pankaabigan ko; pakaderalan kon amin.” “Ag mo nepeg ya ibaga tan!” ebat nen Josafat.

1 Saray Arari 16:30

Pinalumbasan ton amin iray akaonan nanoley nen say sikato diad impankasalanan tod Katawan.

Jeremias 38:4

Insan inkuan na saray opisyal ed ari, “Nepeg a pateyen yan too. Diad pansasalita toy onya pakakapoyen toy linawa da ray sondalo tan saray arum a totoon walad dalem na siudad. Aliwan pankaabigan na karaklan so aanapen na sayan too, no ag say pakaderalan da.”

Ezekiel 14:4

“Natan misalita kad sikara tan ibagam so ibabagak ed sikara, siak a Katawan a Dios: Balang Israelita ya inter toy puso tod saray talintaoy diriyos tan aabuloyan to ran iwanwan dad kasalanan, insan onlan mangipanon ed sakey a propita, makaawat na ebat a manlapud siak—ebat a kanepegan na saray amayamay a talintao to!

2 Samuel 11:27

Kayariy panaon na impanermen to, inala nen David ed palasio; nagmaliw ya asawa to tan naanakan to na sakey a laki. Balet akapaermen ed Katawan yan ginawa nen David.