1 Saray Arari 21:19 - Maung A Balita Biblia

¹⁹ Ibagam ed sikato a siak, say Katawan, kuankod sikato, ‘Anta pinatey mo la may too, alaen mo ni lamet so kayaryan to?’ Ibagam ed sikaton onyay kuanko, ‘Dildilan na saray aso so dalam ed pasen a nandildilan na saray aso ed dala nen Nabot!’”

Maung a Balita Biblia

¹⁹ Ibagam ed sikato a siak, say Katawan, kuankod sikato, Anta pinatey mo la may too, alaen mo ni lamet so kayaryan to? Ibagam ed sikaton onyay kuanko, Dildilan na saray aso so dalam ed pasen a nandildilan na saray aso ed dala nen Nabot!

1 Saray Arari 21:19 Referans Kwoze

1 Saray Arari 22:38

Naorasan ed dipositoway danum so karwahi to diad Samaria a diman dinidildilan na saray aso so dala to tan dimay nanoorasan na saray marotak a bibii, onung na sinalita na Katawan.

2 Samuel 12:9

Akin sirin et ag mo inonur iray ganggan ko? Akin et ginawam yan kaogsan? Impapatey mod bakal si Urias; inabuloyan mon pinatey na saray Ammonita, insan mo inasaway asawa to!

Mateo 7:2

Ta no panoy panisintinsia yod arum a too, ontan met so panisintinsia na Dios ed sikayo; tan no panoy panusukat yod arum a too, ontan met so panusukat na Dios ed sikayo.

Habacuc 2:12

Pakaskasi kayo la sikayon angiletneg na siudad lapud panagpatey na totoo tan arum nin kaogsan.

Habacuc 2:9

Pakaskasi kayo la! Pinapayaman yo ray pamilya yo lapud saray impansasamsam yod saray ag yo kayaryan, tan impagmaliw yon arawid sulit tan kaatapan iray kaabungan yo.

Saray Salmo 9:16

Impaamtay Katawan so sikaton dili diad panamegley da ray matonung a pananintinsia to, tan apatitan iray maoges a totoo ed dilin gawgawa ra.

Ester 7:10

Kanyan nibitay si Haman ed panagbitayan ya impagawa ton para si Mardokeo. Insan kinmepa so pasnuk na ari.

2 Samuel 12:11

Tandaan mo, dagdagen ko a manngunigon ed sika so sakey a kabyangay pamilyam. Naimatunan mo ya, no alaen ko ray asawam insan ko ra iter ed sakey a laki; akdulan to ra ya anggan agew.

Saray Huis 1:7

Inkuanen Adoni-bezec, “Nandodokdok nen saman na ibung ed silong na lamisaan ko iray arari ya apotut-potut so tangan na lima tan sali ra. Gagawaen ed siak natan na Dios imay ginagawak ed sikara.” Niakar ed Jerusalem si Adoni-bezec, tan diman la inatey.

Genesis 3:11

Tinepet na Dios, “Siopay angibagad sikan labus-lakseb ka? Kinan mo sirin imay bunga ya imbagak ed sikan ag mo kanen?”

2 Saray Arari 10:10

Saya so mamaneknek ya ontuan amin iray imbagay Katawan nipaakar ed saray kabyangay boleg nen Acab. Sinumpal na Katawan so insipan to diad panamegley nen propita ton Elias.”

Say Libro nen Job 31:39

no kinan koy naani ya ag ko binayaran, et pinaerasan ko ray dinmalus—

Saray Salmo 68:23

pian makapanyakyak kayod dala ra, tan nadildilan na saray aso yo ya anggad onsawa ra.”

Ezekiel 46:18

Say manoley a prinsipi et ag nepeg ya alaen tod saray totoo so antokaman a kayaryan da. Say dinan man a dalin ya iter tod saray anak ton lalaki et nepeg a manlapud dalin a nipabetang ed sikato, pian ag to napairap so siopaman ed saray totook diad pangala tod dalin.”

2 Saray Arari 6:32

Insan angibakiy sakey a toon mangalad kinen Eliseo. Legan to ya, kaiba nen Eliseo ed abung to iray pigaran mamasiken na Israel ya ombibisitad sikato. Kasakbayay insabi na samay imbaki na ari, inkuanen Eliseo ed saramay mamasiken, “Saman a managpatey na too et angibakiy mamotul na olok! Kasabi to dia, italak yoy puirta tan ag yo palolooben. Manomtombuk ed sikato so ari.”

2 Saray Arari 10:7

Nen naawat da may sulat, pinatey na saray pangulo na Samaria ira may pitomplon kabyangay boleg nen Acab, inyan dad saray baskit iray olo ra, insan da ra impawit ed kinen Jehu diad Jezreel.

Saray Salmo 9:13

Kasian mo ak pa, O Katawan! Nengneng mo pa so paniirap ko ya iiter na saray kalaban ko! Ipaliis mo ak pad patey, O Katawan,

Jeremias 34:6

Insan imbagak ira yan salita ed kinen Ari Sedekias diad Jerusalem,