1 Saray Arari 21:13 - Maung A Balita Biblia

¹³ Diad arap na saray totoo, inakusa na saramay duaran lalaki si Nabot ya aayewen toy Dios tan say ari. Kanyan impaway dad siudad si Nabot, tan tinupak da ya anggad inatey.

Maung a Balita Biblia

¹³ Diad arap na saray totoo, inakusa na saramay duaran lalaki si Nabot ya aayewen toy Dios tan say ari. Kanyan impaway dad siudad si Nabot, tan tinupak da ya anggad inatey.

1 Saray Arari 21:13 Referans Kwoze

2 Saray Arari 9:26

‘Anengneng ko karuman so impamatey ed kinen Nabot tan saray anak ton lalaki. Isipan kon dusaen ta kad sayan alog.’ Kanyan alam so bangkay nen Joram,” ganggan nen Jehu ed kapitan, “ta ibantak mod alog nen Nabot, onung na imbagay Katawan.”

Saray Gawgawa 24:5

Ta nalmoan min magolo yan too. Manangigapoy golo ed amin da ray Judio ed intiron mundo, tan sikatoy panguloy sikta na saray Nazareno.

Saray Gawgawa 6:11

Kanyan sinogsogan da ray pigaran totoo a mangikuan, “Nadngel mi yan too a mansasalitay maoges sumpad kinen Moises tan say Dios!”

Juan 19:12

Nen nadngel ya nen Pilato, lalon labay ton ibolus si Jesus. Balet iningal na karaklan, “No ibolus mo tan a too, ag ka kaaro na Impirador. Siopamay mangipasen na laman ton dili ya ari, lalabanan toy Impirador!”

Lucas 23:2

Ginapoan dan inakusa, “Narel mi yan too,” inkuanda, “a sosogsogan to ray totoo mi a manggaway aliwa. Isesebel to met so pambayar na buis ed Impirador. Ibabaga to nid saray totoo a sikatoy Cristo, say sakey ya ari.”

Mateo 9:3

Wala met diman iray pigaran iskriba tan inkuandad kanunotan da, “Sayan too et mansasalitay sumpad Dios!”

Malakias 3:5

Say Katawan a Makapanyarin-amin kuanto, “Onsabi ak a manintinsia ed sikayo, tan mantasi ak a tampol sumpad saray managsalamangkiro, saray managlawan, saray mantatasi na tila-tila ed korti, saray manasaol na suildo da ray kumikimey, tan saray mamapasegsegang ed saray balon bibii, saray olila, tan saray sangkaili—amin da ray mangigagalang ed siak.

Amos 7:10

Diad saman say pari ed Betel, a si Amasias, kuantod kinen Ari Jeroboam na Israel: “Kokompluten nen Amos iray totoo ya onsumpad sika. Naderal so bansa lapud saray ipupulong to.

Isaias 8:21

Saray totoo et nakalan iray ilalo tan narasan iran manakar-akar ed intiron dalin. Diad eras tan pasnuk da, ayewen day ari ra tan say Dios da. Nayarin ontangay irad tawen

Ecclesiastes 10:20

Ag mo isasamba so ari anggan diad maamut, tan ag mo isasamba so mayaman anggan diad dalem na kuartom, ompan nidalem kad sikara ta nanlayag so dalin.

Ecclesiastes 4:1

Insan ak ninmengneng lamet ed amin a panaglames a nagagawad sayan mundo. Manakakis iray napapairap, tan anggapod sikaray tinmulong. Anggapod sikaray tinmulong, lapud walad diking da so pakayari da ray mamapairap ed sikara.

Probirbio 25:18

Say pantasi na tila sumpad kaparan too, et aliling toy ispada, pekpek, odino matdem a pana.

Probirbio 19:9

Anggapoy toon mantitila ed korti a napaliisan toy dusa; asintinsiaan lan ompatey.

Probirbio 19:5

No mantila ka ed korti andi-saew a nadusa ka—ag ka makapaliis.

Saray Salmo 35:11

Saray totoon maoges mantatasi ra sumpad siak, tan iyaakusa rad siak iray kasalanan ya ag kon balut ginawa.

Saray Salmo 27:12

Ag mo pa iyaabuloy a napelag ak ed lima da ray kalaban ko, a manusumlang ed siak diad panamegley na panagtila tan panagtaktakot.

Say Libro nen Job 2:9

Inkuan ed sikato na asawa to, “Matoor ka nin siansia, anto? Akin et ag mo la isambay Dios, pian ompatey ka la?”

Say Libro nen Job 1:11

Balet natan, salim a paadien iray amin a walad sikato, et nengneng mo no ag to ka inayew ed dilin arap mo!”

Say Libro nen Job 1:5

Kapag nasumpal so ponsia, ombangon a masaksakbay ed ontombuk a kabwasan si Job tan mangisaklang na saray bagat a popoolan a panlinis ed saray anak to, onung ed ganggan. Lawas to yan gagawaen lapud iisipen to ya ompan sakey ed saray anak to so nankasalanan diad ag to ginagalan impansalita sumpad Dios.

Deuteronomio 22:24

nepeg ya iyakar yo ra ed paway na baley tan diman yo ra tupaken ya anggad ag da ipatey. Samay bii et nepeg a pateyen lapud ag inmeyag a kinmerew na tulong, anggaman a walad baley. Samay laki et nepeg a pateyen lapud akiakdul ed biin akisipanan lan miasawa. Diad ontan, napaandipat yo yan kaogsan.

Deuteronomio 22:21

iyakar dad satan ed lolooban na abung nen ama to, tan diman tupaken na saray lalakid siudad ya anggad ag to ipatey. Samay bii et nanggawa na makapabaing ed saray totoo tayo diad impiakdul tod laki kasakbayan na impikasal to, legan a manaayam ni ed abung nen ama to. Diad ontan, napaandipat yo yan kaogsan.

Deuteronomio 21:21

Insan saray totood siudad tupaken da may anak ya anggad ag to ipatey, et diad ontan napaandi yan kaogsan. Narengelan na amin a totood Israel so agawa et ontakot ira.

Deuteronomio 13:10

Tupak yo ya anggad ompatey! Sinali to kayon iyarawi ed Katawan a Dios yo ya angipaway ed sikayod Egipto ya akaaripenan yo.

Deuteronomio 5:20

“‘Ag ka mantitila no mantasi ka sumpad kaparam a too.

Exodo 20:16

“Ag ka mantitila no mantasi ka sumpad kaparam a too.

Saray Hebreo 11:37

Wala rad sikaray tinutupak, wala ray impankadwan nilagari, tan saray arum pinatey da rad ispada. Nanakar-akar iran sikakawes na katat na karniro odino kanding; mairap-bilay ira, pinapairap tan pinapabaingan da ra.

1 Saray Arari 21:14

Insan impaibaga rad kinen Jezebel. “Apatey lay Nabot.”

2 Saray Arari 6:32

Insan angibakiy sakey a toon mangalad kinen Eliseo. Legan to ya, kaiba nen Eliseo ed abung to iray pigaran mamasiken na Israel ya ombibisitad sikato. Kasakbayay insabi na samay imbaki na ari, inkuanen Eliseo ed saramay mamasiken, “Saman a managpatey na too et angibakiy mamotul na olok! Kasabi to dia, italak yoy puirta tan ag yo palolooben. Manomtombuk ed sikato so ari.”

2 Saray Awaran 24:21

Akikomplut si Ari Joas ed saray totoo sumpad kinen Zacarias, et nen ingganggan to tinupak dad patio si Zacarias.

Say Libro nen Job 31:39

no kinan koy naani ya ag ko binayaran, et pinaerasan ko ray dinmalus—

Probirbio 19:28

Anggapoy katunongan no say tasi et walay labay ton pasakitan. Saray totoon maoges labalabay day taway na kaogsan.