1 Saray Arari 20:31 - Maung A Balita Biblia

³¹ Linma ray opisyal to tan kuandad sikato, “Nadngelan min mapangasi ray arari na Israel. Abuloyan mo kamin mamberber na sakod balangbang mi tan mangibaliber na lobir ed beklew mi, insan kami onlad ari, ta ag la pigan ag to ka pateyen.”

Maung a Balita Biblia

³¹ Linma ray opisyal to tan kuandad sikato, Nadngelan min mapangasi ray arari na Israel. Abuloyan mo kamin mamberber na sakod balangbang mi tan mangibaliber na lobir ed beklew mi, insan kami onlad ari, ta ag la pigan ag to ka pateyen.

1 Saray Arari 20:31 Referans Kwoze

2 Samuel 3:31

Kanyan ingganggan nen David ed kinen Joab tan saray totoo to a pilaten day kawes da, mankawes iray sako, tan panermenan day Abner. Nen pompon, nanakar a tinmombuk si Ari David ed longun nen Abner.

Genesis 37:34

Pinilat nen Jacob so kawes to diad ermen to tan nansolung na sako. Abayag a nanermen lapud si anak to.

1 Saray Arari 20:23

Inkuan na saray opisyal nen Ben-hadad ed sikato, “Diriyos na palandey iray diriyos na Israel, kanyan tinalo itayo na taga Israel. Balet andi-saew a taloen tayo ra no labanan ti rad saray patar.

Puyan 11:3

Ibakik so duaran tasik ya akakawes na sako, tan ipulong dan duay salitay Dios ed loob na sanlibo, duan lasus tan anemaplon agew.”

Mateo 10:28

Ag yo tatakotan iray mamatey na laman ya ag da balet napatey so kamarerwa. Say Dios so takotan yo, ta nayarian ton deralen ed impirno so kamarerwa tan laman.

Isaias 37:1

Diad ermen nen Ari Ezekias nen nadngel toy imbalita da ra may opisyal to, pinilat toy kawes to, insan linmad Timplo na Katawan.

Isaias 22:12

Diad saman, say Katawan a Dios a Makapanyarin-amin et tinatangguyor to kayon manakis tan manermen, mangiskis na kaoloan yo tan mankawes na sako.

Isaias 16:5

Insan magmaliw ya ari so sakey ed saray kabyangay boleg nen David, tan iletneg tod kaptekan tan panangaro so panoley tod saray totoo. Masiglat a manggaway katonungan, tan andi-saew ya ipakurang toy kaptekan.)

Probirbio 20:28

Mansiansian walad pakaoley so ari legan a say oley to et maptek, matonung, tan malinis.

Say Libro nen Job 2:4

Inmebat si Satanas, “Ag kawananen na too so amin a kayaryan to dapot mambilay.

Ester 4:16

“Laka, ta pantitipon mo ray amin a Judion walad Susa; manayuno kayo tan mampikasi kayon para siak. Ag kayo mamangan odino oniinom na antokaman ed loob na taloy agew tan taloy labi. Onya met so gawaen ko tan saray bibiin managlingkur ed siak. Kayari na sayan gawaen tayo, onla ak ed ari, anggaman a sumlang ed ganggan. No nepeg ya ompatey ak, sipaparaan ak ya ompatey.”

2 Saray Arari 7:4

No onloob tayod siudad, ompatey tayod eras labat, ta anggapod may naakan. Balet no manayam tayo dia, ompatey tayo met ni lamlamang. Kanyan onla tayod kampo da ray Siriano; no ag da itayo diwiten mambilay tayo, balet no pateyen da tayo andi bali ta ompatey tayo met ni lamlamang.”

2 Saray Arari 5:13

Sinmingger ed sikato ray aripen to tan kuanda, “Amo, no mairap so imbagad sika na propita, ag mo komun gawaen. Natan ta mainomay, orasan moy sikan dili onung na imbaga to, ta ag la pigan onabig ka?”

2 Samuel 14:2

Kanyan impaawit toy sakey a biin masilib a taga Tecoa. Kasabi to, inkuanen Joab ed sikato, “Mankonkuanan kan maermen; mambaliwan ka, tan ag mo sasagaysayen so buek mo. Ipanengneng mon sakey kan bii ya abayag lan maneermen.

1 Saray Arari 20:32

Kanyan namberber iray sako ed balangbang da, nambaliber iray lobir ed beklew da, tan linma rad kinen Acab tan kuanda, “Mikakasid sikayoy aripen yon Ben-hadad ya ag mo la komun papateyen.” Inmebat si Acab, “Mabilay ni? Maung! Singa agi so pasen tod siak!”

Saray Salmo 69:11

Mambabaliwan ak, et lapud saya, luludlureyen da ak.