1 Saray Arari 20:28 - Maung A Balita Biblia

²⁸ Walay sakey a propita a linmad kinen Ari Acab tan kuanto, “Ibabagay Katawan: ‘Lapud ibabaga na saray Siriano a dios ak na saray palandey, aliwan dios na saray patar, panaloen ta kad saray amayamay a sondalo ra, et nabirbir mo tan saray totoom a siak so Katawan.’”

Maung a Balita Biblia

²⁸ Walay sakey a propita a linmad kinen Ari Acab tan kuanto, Ibabagay Katawan: Lapud ibabaga na saray Siriano a dios ak na saray palandey, aliwan dios na saray patar, panaloen ta kad saray amayamay a sondalo ra, et nabirbir mo tan saray totoom a siak so Katawan.

1 Saray Arari 20:28 Referans Kwoze

1 Saray Arari 20:13

Legan to ya, linmay sakey a propita ed kinen Ari Acab tan kuanto, “Ibabagay Katawan, ‘Ag ka ontatakot ed saraman ya amayamay a sondalo! Panaloen ta kad sayan agew, et diad ontan naamtaan mo a siak so Katawan.’”

1 Saray Arari 17:18

Inkuantod kinen Elias, “Too na Dios, akin et ginawam ed siak ya? Linma ka dian mangipanunot ed Dios na kasalanan ko, pian onsabiy patey ed anak ko?”

Ezekiel 12:16

Iyabuloy kon pigarad sikara so ag ompatey ed bakal, eras, tan sakit, pian diad panayam dad saray arum a bansa et nabirbir da ya ontan lan makapaingungot so ginagawa ra tan akoen da a siak so Katawan.”

Saray Salmo 79:10

Akin et tetepeten ed sikami na saray bansa, “Kawalaay Dios yo?” Ipanengneng mo pad sikami so panusam ed saray bansa lapud impangibung dad dala na saray aripen mo.

Ezekiel 39:7

Ipaamtak ed saray totook ya Israel so masanton ngaran ko, tan ag ko la abuloyan a napelag ed kababaingan so ngaran ko. Diad satan nakabatan na saray bansa a siak so Katawan, say masanton Dios na Israel.”

Ezekiel 36:32

Israel, labay kon ipaamtad sika ya aliwan sikay makasengeg na panggagawaan kod saya. Labay kon nabaingan tan napaabeba ka lapud saray gagawaen mo. Siak a Katawan a Dios so nansalita.”

Ezekiel 20:14

Balet ag ko ginawa, bangta makapangyepas iman na kagalangan na ngaran ko diad saray bansa ya akanengneng ed siak ya angipaway ed Israel dimad Egipto.

Ezekiel 20:9

Balet ag ko ginawa, bangta makapangyepas iman na kagalangan na ngaran ko, ta diad imatun na saray totoon pipiayaman da nen saman, imbawag kod Israel ya ipaway ko ra ed Egipto.

Ezekiel 11:12

Nakabatan yo a siak so Katawan, ta diad pangoonur yod saray ganggan na saray kaabay yon bansa, susumlangen yo ray ganggan tan saray bilin ko.”

Ezekiel 6:14

On, onla ak a maneral ed bansa ra. Say bansa ra et pagmaliwen kon andi-kakanaan tan begtebegtew a pasen, manlapud niabalaten a kalawakan ya anggad siudad na Ribla diad baybay; napibaliy amin a pasen a panaayaman da ray Israelita. Diad satan naamtaan dan amin a siak so Katawan.”

Jeremias 14:7

Ontatawag ed siak iray totook, ‘Anggaman ya aakusaen kami na saray kasalanan mi, tulongan mo kami pa, Katawan, onung na insipan mo. Amimpiga kamin inmarawid sika; nankasalanan kamid sika.

1 Saray Arari 13:1

Lapud ganggan na Katawan, linmad Betel a nanlapud Juda so sakey a propita tan asabian ton manalalagey ed abay na altar si Jeroboam a mangibabagat.

Deuteronomio 32:27

Balet ag ko nayarin iyabuloy a mampasirayew iray kalaban da diad pangibaga ran tinalo da ray totook, anta siak a dili so amatalod sikara.’

Deuteronomio 29:6

Anggapoy naakan yon tinapay odino nainom ya alak odino antokaman a makabuek, balet inter na Katawan ed sikayo ray nakaukolan yo pian nibangat tod sikayo a sikato et Dios yo.

Exodo 8:22

Balet ag ko pibaliy lugar a Gosen a panaayaman na saray totook, pian anggapod may apangat. Gawaen koy onya, pian naamtaan mo a siak a Katawan so panlalapwan na saray nagagawa ed sayan dalin.

Exodo 7:5

Naamtaan ed satan na saray Egipsio a siak so Katawan no iyatagey koy taklay ko sumpad sikara tan ipaway kod bansa ra iray Israelita.”

Exodo 6:7

Pagmaliwen ta kayon dilin totook, tan magmaliw a siak so Dios yo. Nakabatan yo a siak so Katawan a Dios yo no ekalen ta kayod maruksan panagoley na saray Egipsio.

Exodo 16:12

“Nadngel ko ray riklamo da ray Israelita. Ibagam ed sikara ta diad kapansironget nawalaan ira na karnin siraen, tan diad kabwasan nawalaan ira na tinapay ya anggan antoy karakel na labay da. Diad satan, naamtaan da a siak so Katawan a Dios da.”

1 Saray Arari 20:29

Pitoy agew a saray Siriano tan saray taga Israel et nanayam irad saray kampo ra a nanaarapan. Diad kumapiton agew ginapwan day nanlalaban, et akapatey iray Israelita na sanlasus libon Siriano.

Isaias 36:20

Siopad sarayan diriyos da so angyagel ed bansa ra ed impirador mi? Panon sirin so pannununot yon iyagel na Katawan so Jerusalem?”

2 Samuel 10:13

Kanyan si Joab tan saray totoo to kinmurang iran ondogpa, et kibatiktik iray taga Siria.

1 Saray Arari 18:36

Diad oras na panagbagat ed ngarem, inasinggeran nen Elias imay altar tan nampikasi, “O Katawan a Dios di Abraham, Isaac, tan Jacob, ipaamtam natan a sikay Dios na Israel, tan siak so aripen mo a nanggawad saya, lapud panangiganggan mo.

1 Saray Arari 18:37

Ebatan mo ak pa, Katawan, ebatan mo ak pa, pian nabirbir na sarayan totoo a sika, say Katawan, et Dios, tan papapawilen mo rad sikan dili.”

2 Saray Awaran 32:19

Diad panagsalita ra impara ray Dios na Jerusalem ed saray diriyos na arum a totoo, saray talintaoy diriyos a ginagawa na limay too.

Saray Salmo 46:11

Walad sikatayoy Katawan a Makapanyarin-amin; say Dios nen Jacob so salimbeng tayo.