1 Saray Arari 20:23 - Maung A Balita Biblia

²³ Inkuan na saray opisyal nen Ben-hadad ed sikato, “Diriyos na palandey iray diriyos na Israel, kanyan tinalo itayo na taga Israel. Balet andi-saew a taloen tayo ra no labanan ti rad saray patar.

Maung a Balita Biblia

²³ Inkuan na saray opisyal nen Ben-hadad ed sikato, Diriyos na palandey iray diriyos na Israel, kanyan tinalo itayo na taga Israel. Balet andi-saew a taloen tayo ra no labanan ti rad saray patar.

1 Saray Arari 20:23 Referans Kwoze

1 Saray Arari 14:23

Nanggagawa ra na saray pasen a pangigalangan ed saray tila-tilan diriyos, saray baton lusek, tan saray talintao nen diosan Asera diad toktok na saray pokdul tan diad silong na saray masalumpapak a kiew.

Isaias 42:8

“Yahweh so ngaran ko, Anggapoy arum a dios a makapibiang ed kagalangan ko; ag ko abuloyan a makapibiang iray talintaoy diriyos ed dayew ko.

2 Saray Arari 19:12

Dinederal na saray lalakik iray siudad na Gozan, Haran, Rezef, tan pinapatey da ray totoon taga Eden a manaayam ed Telasar, et anggapod saray diriyos da so akapangyagel ed sikara.

1 Saray Arari 20:28

Walay sakey a propita a linmad kinen Ari Acab tan kuanto, “Ibabagay Katawan: ‘Lapud ibabaga na saray Siriano a dios ak na saray palandey, aliwan dios na saray patar, panaloen ta kad saray amayamay a sondalo ra, et nabirbir mo tan saray totoom a siak so Katawan.’”

1 Samuel 4:8

Siopay makapangilaban ed sikatayo ed saray makapanyarin diriyos? Sikaray diriyos ya amatey ed saray Egipsio diad panamegley na saray nandoroman salot diad kalawakan!

1 Saray Arari 20:24

Ekal mo lad kipapasen da ra may talomplo tan duan manoley tan salatan mo ra na saray opisyal da ray sondalo.

1 Saray Arari 20:31

Linma ray opisyal to tan kuandad sikato, “Nadngelan min mapangasi ray arari na Israel. Abuloyan mo kamin mamberber na sakod balangbang mi tan mangibaliber na lobir ed beklew mi, insan kami onlad ari, ta ag la pigan ag to ka pateyen.”

Isaias 36:20

Siopad sarayan diriyos da so angyagel ed bansa ra ed impirador mi? Panon sirin so pannununot yon iyagel na Katawan so Jerusalem?”

Jeremias 16:19

Katawan, sika so mangyaagel ed siak, tan mangiiter na biskeg ko; tutulongan mo ak no panaon na gunigon. Onlad sika ray bansan nanlapud nandoroman sokung na mundo tan ikuanda, “Tila-tilan diriyos labat so walad saray lalaki mi; anggapo lay arum no ag ta saray andi-kakanaan a talintaoy diriyos.