1 Saray Arari 20:22 - Maung A Balita Biblia

²² Insan linmay propita ed kinen Ari Acab tan kuanto, “Pawil ka tan pabiskeg moy kipapasen da ray sondalom tan apiapiger moy panagplanom, ta diad arapen a tiagew dogpaan ka lamet na ari na Siria.”

Maung a Balita Biblia

²² Insan linmay propita ed kinen Ari Acab tan kuanto, Pawil ka tan pabiskeg moy kipapasen da ray sondalom tan apiapiger moy panagplanom, ta diad arapen a tiagew dogpaan ka lamet na ari na Siria.

1 Saray Arari 20:22 Referans Kwoze

1 Saray Arari 20:26

Diad ontombuk a tiagew tinipon nen Ben-hadad iray totoo to, ta onla rad siudad na Afek, insan dogpaan da ray taga Israel.

2 Samuel 11:1

Diad ontombuk a tiagew, say panaon ya ipapaway da ray ararin mibakal, imbaki nen David a mibakal si Joab, saray opisyal to, tan saray sondaloy Israel; tinalo da ray Ammonita tan nilooban day siudad na Rabba. Balet nanayam ed Jerusalem si David.

1 Saray Arari 20:13

Legan to ya, linmay sakey a propita ed kinen Ari Acab tan kuanto, “Ibabagay Katawan, ‘Ag ka ontatakot ed saraman ya amayamay a sondalo! Panaloen ta kad sayan agew, et diad ontan naamtaan mo a siak so Katawan.’”

1 Saray Awaran 20:1

Diad ontombuk a tiagew, say panaon a saray ari et ompaway iran mibakal, impangulo nen Joab iray sondalo tan dinakep day dalin na Ammon. Balet nanayam ed Jerusalem si David. Nilooban day siudad na Rabba, dinogpaan da tan dineral da.

Isaias 42:8

“Yahweh so ngaran ko, Anggapoy arum a dios a makapibiang ed kagalangan ko; ag ko abuloyan a makapibiang iray talintaoy diriyos ed dayew ko.

Isaias 26:11

Ag amta na saray kalaban mo a dusaen mo ra. Katawan, ipelag mo pa rad kababaingan tan panliknam pa ray kairapan; ipaliknam ed sikaray dusan imparaan mo. Ipanengneng mo pad sikara so ontan lan panangarom ed saray totoom.

Isaias 8:9

Mantitipon kayon sitatakot, sikayo ran bansa! Dengel kayo, sikayo ran ararawin parti na mundo. Mamparaan kayon mibakal, balet takot kayo! On, mamparaan kayo, balet takot kayo!

Probirbio 20:18

Dengel kad maung a simbawa, et mampalabo ka; no mibakal ka iplanom nin onona.

Probirbio 18:10

Say Katawan et singa mabiskeg a torin nasalimbengan na saray totoon matonung, pian niarawi rad kaatapan.

Saray Salmo 27:14

Manmatalek kad Katawan. Mampabiskeg ka, pakpel moy linawam. On, manmatalek kad Katawan.

2 Saray Awaran 25:11

Pinabiskeg nen Amasias so linawa to tan impangulo to ray sondalo to a linmad Patar na Asin. Diman ira nambabakal et akapatey ira di Amasias na samplon libon Edomitan sondalo

2 Saray Awaran 25:8

Abaloan mo amon napabiskeg kan mibakal no kaibam ira, balet ipatalo ka na Dios ed saray kalaban mo. Walad sikatoy pakayari a panaloen odino ipatalo ka.”

2 Saray Arari 6:12

Inmebat so sakey ed sikara, “Ang-gapod sikami, Kagalang ya Ari. Ibabaga nen propita Eliseo ed ari na Israel so anggan say ibabagam ed dalem na dilin kuartom.”

1 Saray Arari 22:8

Inmebat si Acab, “Wala niy sananey, si Micaya a lakin anak nen Imla. Balet kabosul ko, ta ag balut mampropropisiya na pankaabigan ko; pakaderalan kon amin.” “Ag mo nepeg ya ibaga tan!” ebat nen Josafat.

1 Saray Arari 20:38

Binerberan toy abel so lupa to pian ag nabirbir, insan linman nanalagar diad abay na dalan ed ilabas na ari na Israel.

1 Saray Arari 19:10

Inmebat si Elias, “Katawan a Dios a Makapanyarin-amin, panlilingkuran ta ka lawas, tan sika labat so panlilingkuran ko. Balet inkaindan na saray totood Israel so impisipanan dad sika, dinederal da ray altar mo, tan pinapatey da ray propitam. Bukbukor ko lay atilak—tan labay da ak nin pateyen.”

TAGA-EFESO 6:10

Kaonuran, mampabiskeg kayo diad pikakasakey yod Katawan tan diad tulong na mabiskeg a pakayari to.

1 Saray Arari 20:21

Linmad bakalan si Ari Acab, inaala to ray kabayo tan saray karwahi na saray kalaban to, tan amayamay so pinapatey ton Siriano.