1 Saray Arari 20:16 - Maung A Balita Biblia

¹⁶ Ginmapod kaagwan so indogpa ra legan a si Ben-hadad tan saray talomplo tan duan kakaiba ton pangulo et maniinoman irad dalem na saray tulda ra.

Maung a Balita Biblia

¹⁶ Ginmapod kaagwan so indogpa ra legan a si Ben-hadad tan saray talomplo tan duan kakaiba ton pangulo et maniinoman irad dalem na saray tulda ra.

1 Saray Arari 20:16 Referans Kwoze

Oseas 4:11

Say Katawan kuanto, “Eekalen na daan tan say balon alak so kalakal na saray totook!

Isaias 54:15

No walay ondogpad sika, ondogpa ya anggapoy abuloy ko; Natumba so siopaman ya onlaban ed sika.

1 Saray Arari 16:9

Nantraidoran nen Zimri a sakey ed saray opisyal ton makaoley ed kapalduad saray karwahi na ari. Aminsan ya agew, maniinom na alak ed Tirza so ari diad abung nen Arza a makaoley ed palasio.

1 Saray Arari 16:7

Niiter ed panamegley nen propita Jehu a lakin anak nen Hanani so salita na Katawan sumpad kinen Baasa tan saray kabyangan na pamilya to, lapud saray kasalanan nen Baasa ed Katawan. Aliwa labat a say impanggagawa toy kaogsan, a singa say impanggagawa nen Jeroboam ya akaonan nanoley nen say sikato, so makasengeg na impamasnuk na Katawan, no ag ingen lapu met ed impamatey tod kinen Jeroboam tan amin kabyangan na pamilya to.

1 Saray Arari 20:15

Kanyan tinawag na ari iray sondalon walad silong na pakaoley da ray gobirnador na saray distrito; duan lasus tan talomplo tan dua ran amin. Insan tinawag to ray sondalo na Israel; piton libo ran amin a lalaki.

1 Saray Arari 20:17

Inmonan kinmurang ira may duan lasus tan talomplo tan dua a sondalo. Saray managsiim ya imbaki nen Ben-hadad imbaga rad sikaton walay sakey a grupo na saray sondalon ompapaway ed Samaria.

1 Saray Arari 22:31

Ingganggan na arid Siria iray talomplo tan duan pangulo na saray sondalon akakarwahi ya anggapoy arum a dogpaan da no ag say ari na Israel.

Probirbio 20:1

Say alak pagmaliwen to kan maingal tan makulang-kulang. Inkakulang-kulang so pambuwek.

Amos 6:7

Lapud saya sikayo so ononan nibantak ed arum a bansa. Mangangga la ray pista yo tan saray ankakabaleg a ponsia yo.

Isaias 5:22

Pakaskasi kayo la! Sarag yon tuay maninom na alak! Masebeg tan anggapoy takot yo no nipaakar ed pantimplay alak!